భారత్-ఇంగ్లాండ్ మధ్య రెండో వన్డేలో ఇంగ్లాండ్ టాస్ గెలిచి బ్యాటింగ్ ఎంచుకుంది. జులాన్ గోస్వామి, శిఖాపాండే అద్భుత బౌలింగ్తో ప్రత్యర్థిని 161 పరుగులకే కట్టడి చేశారు. ప్రారంభంలో 14 పరుగులకే మూడు వికెట్లు కోల్పోయినా ఇంగ్లాండ్ బ్యాట్స్ ఉమెన్ సీవర్ అద్భుత పోరాటంతో ఇంగ్గాండ్ గౌరవప్రదమైన స్కోర్ చేసింది.
మిడిల్ ఓవర్లలో భారత స్పిన్నర్లు కట్టుదిట్టమైన బౌలింగ్ చేశారు. పరుగులు సాధించేందుకు బ్యాట్స్ ఉమెన్ ఇబ్బందిపడ్డారు. వరుసగా వికెట్లు తీస్తూ ప్రత్యర్థి బ్యాట్స్మెన్ను కట్టడి చేశారు. శిఖా పాండే, జులన్ గోస్వామి చెరో నాలుగు వికెట్లతో ఆకట్టుకున్నారు.
ఇంగ్లాండ్ బ్యాట్స్ ఉమెన్ లో సీవర్ 85 పరుగులతో ఆకట్టుకోగా బీమోంట్, లారెన్ ఫీల్డ్ మాత్రమే రెండంకెల స్కోర్లు సాధించగలిగారు.
