ప్రపంచ ఛాంపియన్ను మొదటి మ్యాచ్లోనే ఓడించి రెట్టించిన ఉత్సాహంతో ఉంది భారత్. వాంఖడే వన్డేలో మొదట బ్యాటింగ్ చేసిన ఇండియా తక్కువ స్కోరుకే పరిమితమైనా.. స్పిన్నర్ ఏక్తా బిస్త్ అద్భుత ప్రదర్శనతో ఇంగ్లాండ్పై 66 పరుగుల తేడాతో విజయం సాధించింది. బిస్త్తో పాటు లెగ్ స్పిన్నర్ పూనమ్ యాదవ్, దీప్తి శర్మ మిడిల్ ఓవర్లలో పరుగులు కట్టడి చేయడంలో సఫలమయ్యారు.
బ్యాటింగ్ విభాగంలో యంగ్ ఓపెనర్ రోడ్రిగ్స్ మంచి ఫామ్లో ఉండగా మరో ఓపెనర్ స్మృతి మంధాన మొదటి మ్యాచ్లో 24 పరుగులకే పరిమితం అయింది. కెప్టెన్ మిథాలీ 44 పరుగులు చేసింది. వీరిరువురు రెండో వన్డేలో సత్తా చాటాలని జట్టు భావిస్తోంది. మిడిల్ ఆర్డర్ సమస్య నుంచి కోలుకుని రెండో వన్డేలో గెలవాలని మిథాలీ సేన పట్టుదలతో ఉంది.
ఉపఖండ పిచ్లపై భారత స్పిన్నర్లను ఎదుర్కోవడం ఏ జట్టుకైనా ఇబ్బందే. మొదటి వన్డేలో ఇంగ్లాండ్ బ్యాట్స్మెన్ పతనానికి కారణం కూడా అదే. రెండో వన్డేలో ఎదురుదాడికి దిగాలని బ్రిటిష్ జట్టు అనుకుంటోంది. బౌలింగ్ విభాగంలో పటిష్టంగా కనబడుతోంది ఆతిథ్య జట్టు. మొదటి మ్యాచ్లో ఓడినా ఈ వన్డేలో గెలిచి సిరీస్ ఆశలు నిలుపకోవాలని అనుకుంటోంది.
ఈ సిరీస్ గెలిచి పాయింట్ల పట్టికలో ముందుకు వెళ్లాలని భారత్ భావిస్తోంది. ప్రపంచకప్కు నేరుగా అర్హత సాధించాలంటే టాప్ ఫోర్లో ఉండాలి. ప్రస్తుతం భారత్ మూడో స్థానంలో ఉంది.
ఇవీ చదవండి..కోహ్లీ సేనకు సవాల్
