పొట్టి సిరీస్ కంగారులదే

రెండు టీ20ల సిరీస్​ను పర్యటక ఆస్ట్రేలియా..2-0 తేడాతో సొంతం చేసుకుంది. మాక్స్​వెల్ సెంచరీతో ఆకట్టుకున్నాడు.

బెంగళూరు వేదికగా జరిగిన రెండో టీ20లో పర్యటక ఆస్ట్రేలియా 7 వికెట్ల తేడాతో ఘనవిజయం సాధించింది. భారత్ నిర్దేశించిన 191 పరుగుల లక్ష్యాన్ని 19.4 ఓవర్లలో ఛేదించింది. చివరి వరకూ ఉత్కంఠగా జరిగిన మ్యాచ్​లో ఒత్తిడిని తట్టుకుని సిరీస్ కైవసం చేసుకుంది. మాక్స్​వెల్ 113 పరుగులతో భారత్​ పతనాన్ని శాసించాడు.

మాక్స్​వెల్ షో..

ఆస్ట్రేలియా బ్యాటింగ్​లో మాక్స్​వెల్ ఆటే హైలెట్. గత మ్యాచ్​లో 56 పరుగులతో ఆసీస్ విజయంలో కీలక పాత్ర పోషించాడు మాక్సీ. ఈ మ్యాచ్​లోనూ అదే జోరు కొనసాగిస్తూ 113 పరుగులు చేసి సిరీస్ కంగారూల​ సొంతమయ్యేలా చేశాడు. 'మ్యాన్​ ఆఫ్​ ది మ్యాచ్​, మ్యాన్​ ఆఫ్​ ది సిరీస్'​ అవార్డులనూ సొంతం చేసుకున్నాడు మాక్స్​వెల్​.

• An outstanding knock of 113* from Maxwell guides the visitors to a 7-wkt victory in the second T20I.
  
  Australia win the series 2-0 #INDvAUS pic.twitter.com/CAdMFQdBa5

  — BCCI (@BCCI) February 27, 2019 " class="align-text-top noRightClick twitterSection" data="

  An outstanding knock of 113* from Maxwell guides the visitors to a 7-wkt victory in the second T20I.
  
  Australia win the series 2-0 #INDvAUS pic.twitter.com/CAdMFQdBa5

  — BCCI (@BCCI) February 27, 2019

  ">

  An outstanding knock of 113* from Maxwell guides the visitors to a 7-wkt victory in the second T20I.
  
  Australia win the series 2-0 #INDvAUS pic.twitter.com/CAdMFQdBa5

  — BCCI (@BCCI) February 27, 2019

మిగతా ఆటగాళ్లలో షార్ట్ 40 పరుగులు చేయగా, హాండ్స్​కాంబ్ 20 పరుగులతో విజయంలో భాగం పంచుకున్నాడు.

తేలిపోయిన భారత బౌలింగ్

గత మ్యాచ్​లానే చివరి వరకు విజయం దోబూచులాడిన ఈ మ్యాచ్​లో టీమిండియా బౌలింగ్ ప్రత్యర్థి ముందు తేలిపోయింది. మన బౌలర్లలో విజయ శంకర్ ఒక్కడే రెండు వికెట్లు తీశాడు. ఉమేశ్ స్థానంలో జట్టులోకి వచ్చిన కౌల్.. ఒక వికెట్ మాత్రమే తీయగలిగాడు. చాహల్, బుమ్రా, కృనాల్ పరుగులిచ్చారు తప్ప ఆసీస్​ను కట్టడి చేయలేకపోయారు.

ఆకట్టుకున్న కోహ్లీ

టాస్​ ఓడి బ్యాటింగ్ దిగిన భారత్​కు ఓపెనర్లు ధవన్, రాహుల్ అదిరే ఆరంభం ఇచ్చారు. మొదటి వికెట్​కు 61 పరుగులు జోడించారు. 47 పరుగుల వ్యక్తిగత స్కోరు వద్ద రాహుల్ ఔటయ్యాడు.

తర్వాత కాసేపటికే ధావన్, పంత్ వెనుదిరిగారు. ఈ సమయంలో క్రీజులోకి వచ్చిన కోహ్లీ, ధోని.. వికెట్లు పడకుండా ఆడుతూనే వీలు చిక్కినప్పుడు బౌండరీలు సాధించారు. నాలుగో వికెట్​కు వంద పరుగుల భాగస్వామ్యం నెలకొల్పిన అనంతరం.. 40 పరుగుల వ్యక్తిగత స్కోరు వద్ద ధోని వెనుదిరిగాడు. మరో ఎండ్​లో 72 పరుగులతో కోహ్లీ నాటౌట్​గా నిలిచాడు. 20 ఓవర్లు పూర్తయ్యేసరికి 190 పరుగుల భారీ స్కోరు సాధించింది.

ఆసీస్ బౌలింగ్ అంతంతమాత్రమే..

గత మ్యాచ్​లో భారత్​ను తక్కువ పరుగులకే కట్టడి చేసిన ఆసీస్ బౌలర్లు ఈ మ్యాచ్​లో చేతులెత్తేశారు. జేసన్ మినహా మిగతా వారందరూ ధారాళంగా పరుగులిచ్చేశారు. కౌల్టర్​నైల్, షార్ట్, కమిన్స్, జేసన్ తలో వికెట్ తీశారు.