దిల్లీలో అంతర్జాతీయ షూటింగ్ స్పోర్ట్స్ ఫెడరేషన్(ఐఎస్ఎస్ఎఫ్) ఆధ్వర్యంలో జరుగుతున్న ప్రపంచకప్ పోటీల్లో భారత్ మరో బంగారు పతకం గెల్చుకుంది. 10 మీటర్ల ఎయిర్ పిస్టల్ ఈవెంట్లో సౌరభ్ చౌదరి 245 పాయింట్లు సాధించి స్వర్ణం చేజిక్కుంచుకున్నాడు.
సెర్బియాకు చెందిన డామీ మికెక్ 239.3 పాయింట్లతో రజతం గెల్చుకోగా, చైనా షూటర్ వెయి పాంగ్ 215.2 స్కోరుతో కాంస్యాన్ని దక్కించుకున్నాడు. 8 మంది తలపడిన తుదిపోరులో రెండో స్థానంలో నిలిచిన డామీ కంటే 5.7 పాయింట్లు అధికంగా తెచ్చుకున్నాడీ 16 ఏళ్ల కుర్రాడు. చివరి షాట్ కంటే ముందే గోల్డ్ని తన ఖాతాలో వేసుకున్నాడు సౌరభ్.
తాజా ప్రదర్శనతో 2020లో జరగనున్న టోక్యో ఒలింపిక్స్కి మార్గాన్ని సుగమం చేసుకున్నాడు సౌరభ్. గతేడాది ఆసియన్ గేమ్స్లోనూ సత్తా చాటిన సౌరభ్ ఐఎస్ఎస్ఎఫ్ జూనియర్ ఛాంపియన్షిప్లోనూ పుత్తడి కైవసం చేసుకున్నాడు
