పాక్లో భారతీయ చిత్రాలకు మంచి డిమాండ్ ఉంది. అందులోనూ బాలీవుడ్ సినిమాలకు అక్కడ ప్రేక్షకులు ఫిదా అయిపోతారు. పుల్వామా ఉగ్రదాడి అనంతరం పాక్లో సినిమాలు విడుదల చేయట్లేదని పలు హిందీ సినిమాల నిర్మాతలు ప్రకటించారు. పొరుగు దేశంలో భారతీయ చిత్రాలు విడుదల కానంత మాత్రాన చిత్ర పరిశ్రమపై అంత ప్రభావమేమీ ఉండదని బాలీవుడ్ ట్రేడ్ అనలిస్ట్ తరణ్ ఆదర్శ్ అభిప్రాయపడ్డారు.
"పాకిస్థాన్లో దాదాపు 150 స్క్రీన్లు ఉన్నాయి. మన లాగే వాళ్లూ హిందీ చిత్రాలంటే ఎక్కువ ఇష్టపడతారు. హాలీవుడ్ చిత్రాలు ఏడాదిలో కొన్ని మాత్రమే వస్తాయి. అందుకే భారతీయ సినిమాలవైపే మక్కువ చూపుతారు. పాక్ మార్కెట్ చాలా చిన్నది. దీనివల్ల వారే ఎక్కువ నష్టపోతారు" -తరణ్ ఆదర్శ్, సినీ విశ్లేషకుడు
తరణ్ విశ్లేషణను బట్టి పాకిస్థాన్ చిత్ర ప్రదర్శన రంగం ఎక్కువ నష్టపోతుందని అక్షయ్ రతి అనే ఎగ్జిబిటర్ తెలిపారు. ఇప్పటికే టోటల్ ధమాల్, లూకా చుప్పి, అర్జున్ పటియాలా, నోట్బుక్, కబీర్ సింగ్ లాంటి చిత్రాలు పాక్లో విడుదల చేయట్లేదంటూ ఆయా సినిమాల నిర్మాతలు ప్రకటించారు.
"భారతీయ చిత్రాలు పాకిస్థాన్లో సగటున 4 నుంచి 7 కోట్ల రూపాయల వసూళ్లు సాధిస్తాయి. అత్యధికంగా సల్మాన్ ఖాన్ నటించిన సుల్తాన్ చిత్రం 37 కోట్ల రూపాయలను కొల్లగొట్టింది. అనంతరం అమీర్ఖాన్ పీకే, దూమ్-3 చిత్రాలు 25, 22 కోట్లు సాధించాయి." -అక్షయ్ రతి,ఎగ్జిబిటర్
