ఆకాశం రంగులమయంగా మారుతుంది. ఆ దృశ్యాన్ని 'నార్తర్న్ లైట్స్గా' పిలుస్తారు. ఇది ఏర్పడటానికి కారణం అయస్కాంత సౌర గాలి, భూమి గురుత్వాకర్షణ శక్తితో కలసి వాతావరణంలో అణువులు మెరిసేలా చేయడమే.
ఇది ఏర్పడే సమయంలో ఆకాశంలో పచ్చ, నీలం, పసుపు రంగుల కలయికలో ఒక కాంతి ప్రకాశిస్తుంది. పర్యటకులు శీత కాలంలో పెద్ద సంఖ్యలో ఈ వింతను చూడటానికి వస్తారు. అయితే ఎంత ప్రయత్నించినా ఒక్కోసారి ఇవి కనిపించే అవకాశం ఉండదు. అందుకే ఇక్కడివారు ఆ కాంతి చూడాలంటే కష్టం, అదృష్టం రెండూ ఉండాలంటారు.
ఈ ప్రదేశానికి చేరుకోవడం అంత సులువు కాదు. అలవాటైన వాహన చోదకులే ప్రమాదాలకు గురవుతుంటారు. మంచు విపరీతంగా కురవడం వల్ల కారు టైర్లు జారుతుంటాయి. ఒక రకంగా చెప్పాలంటే ఈ వింతను చూసినవారు పెద్ద సాహసం చేసినట్లే.
ఐస్ల్యాండ్లో ఒక నానుడి ఉంది. 'ఇక్కడి వాతావరణం ఐదు నిముషాలకు ఒకలా మారుతుంది.' విదేశీయులకు ఈ మార్పు అసాధారణంగా అనిపిస్తుంది. వాతావరణం, రహదారుల పరిస్థితి అలానే ఉంటుంది. పొడిగా ఉన్న రోడ్డు నిముషాల్లో వెనువెంటనే మంచు వల్ల జారుతుంది.
-జాహ్నస్ సిగ్ఫ్యుసన్, పోలీసు అధికారి
వాహనాలు నడిపేవారు ఆకాశం వైపు తీక్షణంగా చూస్తూ రోడ్డుపై నిర్లక్ష్యం వహించడం ప్రమాదాలకు ఒక కారణంగా అధికారులు చెబుతున్నారు. ఇన్ని ప్రతికూల పరిస్థితుల్లోనూ పర్యటకులు ఈ కాంతిని చూడటానికి ఉవ్విళ్ళూరుతూనే ఉంటారు.
అడ్డంకులు దాటుకొని చివరికి ఈ ప్రదేశానికి చేరినా వింత దృశ్యం కనిపించక నిరాశగా వెనుదిరిగిన వారు కొంతమందైతే... ఈ వింతైన అనుభూతిని మనసారా ఆస్వాదించిన వారు మరికొందురు. మొత్తానికి ఉత్తర ఐస్ల్యాండ్లోని ఈ ప్రదేశానికి జీవితంలో ఒక్కసారైనా వెళ్లాలనుకునే వారు ఇంకొందరు.