మంచు సరస్సుపై మారథాన్

'చైనా జిగ్పో సరస్సు అంతర్జాతీయ మంచు పరుగు -2019'  పేరుతో గడ్డకట్టిన సరస్సుపై నిర్వహించిన పరుగు పందెంలో పాల్గొనడానికి వివిధ దేశాల నుంచి హాజరైన 11 వందల మంది.

శీతాకాలం వచ్చిందంటే మంచు మనోహర దృశ్యాలు మనముందుంటాయి. ముఖ్యంగా అప్పటి వరకు గలగల పారిన సరస్సులు గడ్డకట్టి శ్వేతవర్ణంలో మెరిసిపోతూ ఉంటాయి. ఈ గడ్డకట్టిన సరస్సుల పై స్కేటింగ్​ లాంటి పోటీలు నిర్వహించడం సాధారణమే. కానీ చైనాలో మొదటి సారి వింత పోటీ నిర్వహించారు. అదే మంచు పరుగు. 'చైనా జిగ్పో సరస్సు అంతర్జాతీయ మంచు పరుగు -2019' పేరుతో ఈ పోటీలు జరిగాయి.పోటిలో పాల్గొన్న వారి అనందానికి అవధులు లేవు.

" నేను కొన్ని ఇనుప కొక్కేలు తీసుకొచ్చాను, దీంతో నేను సులభంగా పడిపోను. ఈ స్థలం ప్రత్యేకమైనది. ఈ మంచు ఆశ్చర్యకరం . నిజంగా అందంగా, అద్భుతంగా ఉంది. నాకు అవకాశం ఉంటే తప్పకుండా మళ్లీ వస్తాను" - జాన్​ పౌల్​ గ్రీమా, పోటీదారు, ఆస్ట్రేలియా.

ఈశాన్య చైనాలోని నింగాన్​ నగరంలో ఏర్పాటు చేసిన ఈ పోటీలో పాల్గొనటానికి చైనాతో పాటు బయటి దేశాల నుంచి సుమారు 1100 మంది హాజరయ్యారు. ఇందులో రెండు విభాగాలుంటాయి. అర్ధ​ మారథాన్​, 5 కిలోమీటర్ల పరుగు.