హిమ సోయగాలు

మనసు దోచే ప్రకృతి అందాలకు హిమపాతం తోడైంది. ఇంకేముంది? సరికొత్త లోకం ఆవిష్కృతమైంది. అదేంటో చూడాలంటే చైనా వెళ్లాల్సిందే.

చైనాలోని హునన్​ రాష్ట్రంలోని జాంగ్జియాజీ నగర అందాలు పర్యటకులకు సరికొత్త అనుభూతులు కలిగిస్తున్నాయి . దట్టమైన మంచుతో నిండిన పర్వతాలు, వృక్షాలతో సహజసిద్ధమైన దృశ్యాలు రమణీయంగా ఆవిష్కృతమవుతూ ఆశ్చర్యపరుస్తున్నాయి.

ఎల్లప్పుడూ కురిసే వర్షాలు, అతి తక్కువ ఉష్ణోగ్రతలు మతులు పోగొడుతున్నాయి. మకాక్యూ జాతికి చెందిన వానరాలు పర్యటకుల నుంచి ఆహారాన్ని లాక్కుంటూ చేసే చేష్టలు కడుపుబ్బా నవ్విస్తున్నాయి.

హువాయిహువా నగరంలోని గ్జూఫెంగ్ పర్వత శిఖరంపై ఉన్న జాతీయ పార్క్​లోనూ ఇలాంటి దృశ్యాలే కనిపిస్తున్నాయి.