ఈ నర్సరీ​ ప్రత్యేకం

చైనాలోని ఓ నర్సరీ... అమ్మేవారు లేకుండానే ప్రత్యేకంగా నిలిచింది.

చైనాలోని ఓ నర్సరీ అమ్మకందారులు లేకుండానే నడుస్తోంది. గ్యాంగ్​డాంగ్​లోని షెన్​జెన్ నగరంలో వసంతకాలం సందర్భంగా ఫిబ్రవరి మొదటివారంలో నర్సరీని వదిలివెళ్లింది యజమాని వాంగ్.

చరవాణి ద్వారా చెల్లింపులు చేసి తమకు కావాల్సిన మొక్కల్ని తీసుకెళ్లవచ్చని బోర్డు పెట్టింది. ప్రతి మొక్క పైనా ధర నిర్దేశించి చరవాణి ద్వారా చెల్లింపులు చేసే వారికి 8.8 శాతం డిస్కౌంట్​ను ప్రకటించింది. మొక్కల్నెవరూ చోరీ చేయకపోగా ఫిబ్రవరి 3-9 మధ్య 33 కొనుగోళ్లు జరిగి 1400 యువాన్లు(చైనా కరెన్సీ) సంపాదించినట్లు వెల్లడించింది. ఇది ఉన్నత వ్యక్తిత్వ లక్షణమని, నగర నైతికతకు నిదర్శనమని వాంగ్​ తెలిపింది.

ఆ వారంలో కొనుగోలు చేసిన వారి కోసం 50 రకాల బహుమతుల్ని సిద్ధం చేసినట్లు వెల్లడించింది వాంగ్. అమ్మకందారులు లేకుండా షాపును నడపగలిగితే వారానికి రెండురోజులు సెలవులు తీసుకుంటానని, ప్రత్యేక డిస్కౌంట్లూ ప్రకటిస్తానని తెలిపింది.