'హెచ్​4' చిక్కులు తప్పవా?

హెచ్​1బీ వీసాలపై అమెరికాలో ఉంటున్నవారి జీవిత భాగస్వాములు ఉద్యోగం చేసేందుకు వీలు కల్పించే నిబంధన రద్దు దిశగా ట్రంప్​ సర్కారు కసరత్తు ముమ్మరం చేసింది. కొన్ని నెలల్లో తుది నిర్ణయం తీసుకునే అవకాశముంది.

హెచ్​4 వీసాదారులకు ఉద్యోగ అనుమతి రద్దు కోసం ప్రస్తుత నిబంధనావళిలో చేయాల్సిన మార్పులపై ప్రతిపాదనలను అమెరికా అంతర్గత భద్రతా శాఖ-డీహెచ్​ఎస్ శ్వేతసౌధానికి​ అధికారికంగా సమర్పించింది. ఈ మార్పులు జరిగితే... 90వేల మందికిపైగా హెచ్​1బీ వీసాదారుల జీవితభాగస్వాములపై ప్రభావం పడనుంది. ఇందులో భారతీయ మహిళలే అధికం.

డీహెచ్​ఎస్​ ప్రతిపాదనలపై డొనాల్డ్​ ట్రంప్​ కార్యాలయం తుది నిర్ణయం తీసుకోవాల్సి ఉంది. ఇందుకోసం వేర్వేరు సంస్థల నుంచి శ్వేతసౌధం అభిప్రాయాలు సేకరించనుంది. ఈ ప్రక్రియ మొత్తం పూర్తయ్యేందుకు కొన్ని నెలలు సమయం పట్టే అవకాశముంది. ఉద్యోగ అనుమతి విధానం రద్దుకు ట్రంప్​ సర్కారు నిర్ణయిస్తే... డీహెచ్​ఎస్​ ఆ అంశంపై అధికారిక ప్రకటన చేయనుంది.

ఇదీ చూడండి: టైపు రైటర్లు ఇంకా ఉన్నారు..!

ఏంటీ హెచ్​4?

హెచ్​1బీ వీసాపై అమెరికాలో ఉంటున్నవారి జీవితభాగస్వాములు ఉద్యోగం చేసేందుకు హెచ్​4-ఈఏడీ నిబంధనతో అనుమతి లభిస్తోంది. బరాక్​ ఒబామా హయాంలో తెచ్చిన ఈ విధానాన్ని రద్దు చేసేందుకు ప్రస్తుత ట్రంప్​ ప్రభుత్వం ప్రయత్నిస్తోంది. ఇందుకోసం అంతర్గత భద్రతా శాఖ​ విస్తృత కసరత్తు చేస్తోంది.

రద్దుకు వ్యతిరేకంగా ఉద్యమం

హెచ్​4 వీసాదారులకు ఉద్యోగ అనుమతి విధానం రద్దు ప్రతిపాదనలను సెనెటర్​ కమలా హారిస్​ సహా దిగ్గజ సంస్థల సారథులు వ్యతిరేకిస్తున్నారు. నిబంధనలు మార్చితే వేలాది కుటుంబాలపై ప్రభావం పడడమే కాక... అమెరికాకు నిపుణులు రాకుండా ఆగిపోయే ప్రమాదముందన్నది వారి వాదన.

• This is outrageous & will force immigrant women who are doctors, nurses, scientists & academics, among others, to abandon their professional careers. I called on DHS last year to withdraw this proposal & will continue to fight this. https://t.co/7zYY8ZGxuk

  — Kamala Harris (@SenKamalaHarris) February 22, 2019 " class="align-text-top noRightClick twitterSection" data="

  This is outrageous & will force immigrant women who are doctors, nurses, scientists & academics, among others, to abandon their professional careers. I called on DHS last year to withdraw this proposal & will continue to fight this. https://t.co/7zYY8ZGxuk

  — Kamala Harris (@SenKamalaHarris) February 22, 2019

  ">

  This is outrageous & will force immigrant women who are doctors, nurses, scientists & academics, among others, to abandon their professional careers. I called on DHS last year to withdraw this proposal & will continue to fight this. https://t.co/7zYY8ZGxuk

  — Kamala Harris (@SenKamalaHarris) February 22, 2019

హెచ్​4 వ్యవహారంపై ఇప్పటికే కొలంబియా అపీళ్ల కోర్టులో ఓ కేసు నడుస్తోంది. ఒబామా తెచ్చిన నిబంధనతో అమెరికన్లు ఉపాధి అవకాశాలు కోల్పోతున్నారంటూ 'సేవ్​ జాబ్స్​ యూఎస్​ఏ' స్వచ్ఛంద సంస్థ న్యాయపోరాటానికి దిగింది. ప్రస్తుతం ఈ కేసుపై భారతీయ అమెరికన్ శ్రీ శ్రీనివాసన్​తో కూడిన త్రిసభ్య ధర్మాసనం విచారణ జరుపుతోంది.
హెచ్​4 వీసాదారుల విషయంలో ట్రంప్​ ప్రభుత్వం తీసుకునే తుది నిర్ణయాన్ని డీహెచ్​ఎస్​ కోర్టుకు నివేదించి, అధికారిక ప్రకటన చేయాల్సి ఉంటుంది.