అమెరికాలోని విస్కాన్సిన్లో ఘోర రోడ్డు ప్రమాదం జరిగింది. హైవేపై మంచు ప్రభావంతో వాహనదారులు తీవ్ర ఇక్కట్లు పడ్డారు. దట్టమైన పొగమంచు ఎదురుగా ఉన్న వాహనాలు కనిపించకుండా చేసింది. ఫలితంగా 131 వాహనాలు ఒకదానికొకటి ఢీకొన్నాయి. ప్రమాదంలో కారులోనే ఇరుక్కుపోయిన డ్రైవర్లు భయంతో 911 నంబర్కు(అమెరికా అత్యవసర సహాయక సిబ్బంది ఫోన్నంబర్) ఫోన్ చేసి కాపాడాలని ఆర్తనాదాలు చేశారు.
సమాచారం అందుకున్న వెంటనే ఘటనాస్థలానికి చేరుకున్న సిబ్బంది పరిస్థితిని అదుపుచేసేందుకు శ్రమించారు. స్థానికులు కూడా వీరికి సహకరించారు.
ఈ ప్రమాదంలో మొత్తం 70 మంది గాయపడ్డారు, ఒక హైస్కూల్ ఉపాధ్యాయుడు ప్రాణాలు కోల్పోయారు.
