అమెరికాలో కాల్పులు..ఐదుగురు మృతి

చికాగోలోని ఇల్లినాయిస్​ ఇండస్ట్రియల్ పార్క్​లో దుండగుడి కాల్పుల్లో ఐదుగురు పౌరులు మృతి చెందారు.

అమెరికాలో మరోసారి కాల్పులు కలకలం సృష్టించాయి. చికాగోలోని ఇల్లినాయిస్​ ఇండస్ట్రియల్​ పార్క్​లో దుండగుడు విచక్షణా రహితంగా కాల్పులు జరిపాడు. ఈ ఘటనలో ఐదుగురు పౌరులు మరణించగా, పలువురికి గాయాలయ్యాయి. వెంటనే స్పందించిన పోలీసులు కాల్పులకు పాల్పడిన వ్యక్తిని మట్టుపెట్టారు.

చికాగోకు 65 కిలోమీటర్ల దూరంలోని అరోరా ప్రాంతంలో వాల్వుల తయారీ కర్మాగారంలో ఈ ఘటన చోటు చేసుకుంది. నిందితుడిగా అనుమానిస్తున్న 45 ఏళ్ల గ్యారీ మార్టిన్​ అదే సంస్థకు సంబంధించినవాడని పోలీసులు గుర్తించారు. అయితే మార్టిన్​ ఎందుకు కాల్పులు జరిపాడన్నది తెలియరాలేదు.