దేశ ప్రజలందరి ఆకాంక్ష ఒకటే... పైలట్ సురక్షితంగా తిరిగి రావాలని. అందుకోసం భారత్ కూడా ఎన్నో ప్రయత్నాలు చేస్తోంది. దౌత్యపరంగా పాకిస్థాన్పై ఒత్తిడి పెంచేందుకు ప్రయత్నిస్తోంది.
పైలట్ను తిరిగి స్వదేశానికి తీసుకువచ్చేందుకు చేస్తున్న ప్రయత్నాలను తాజాగా వెల్లడించాయి ప్రభుత్వ వర్గాలు. పాకిస్థాన్ తీరును తీవ్రంగా తప్పుబట్టాయి. ఆయా వర్గాలు ఏం చెప్పాయంటే...
- పాకిస్థాన్ సైన్యం అరెస్టు చేసిన వాయుసేన పైలట్ను దౌత్యపరంగా కలిసేందుకు భారత్ అనుమతి కోరలేదు
- పైలట్ను పాకిస్థాన్ బేషరతుగా, తక్షణమే విడుదల చేయాలి
- పైలట్ విడుదలలో జాప్యాన్ని సహించే ప్రసక్తే లేదు
- పుల్వామా దాడిపై దర్యాప్తు విషయంలో పాక్ ప్రధాని మాట నిలబెట్టుకోవాలి
- ఉగ్రవాదులపై సత్వరమే నిర్ణయాత్మక చర్యలు తీసుకోవాలి
పాకిస్థాన్ వాయుసేన జెట్లు బుధవారం భారత గగనతలంలోకి చొరబడటాన్ని తప్పుబట్టాయి ప్రభుత్వ వర్గాలు. పాక్ జెట్లు భారత సైనిక స్థావరాలపై దాడికి యత్నించాయని చెప్పాయి. ఈనెల 26 భారత వాయుసేన మాత్రం బాలాకోట్లోని జైషే మహ్మద్ ఉగ్రస్థావరాలపైనే దాడి చేసిందని దిల్లీ వర్గాలు గుర్తుచేశాయి.
అందుకు సిద్ధం...
రెండు దేశాల మధ్య ఉద్రిక్తతలు తగ్గుతాయంటే... పైలట్ను భారత్కు అప్పగించే అంశాన్ని పరిశీలిస్తామని పాకిస్థాన్ విదేశాంగ మంత్రి షా మహ్మద్ ఖురేషి అన్నారని ఆ దేశ మీడియా వార్త ప్రసారం చేసింది.
