అమెరికా అధ్యక్షుడు 'డొనాల్డ్ ట్రంప్', ఉత్తర కొరియా అధినేత 'కిమ్ జోంగ్ ఉన్' వియత్నాం రాజధాని హనోయ్లో రెండోసారి భేటీ కానున్నారు. మరోవారంలో ఇరువురు నేతల సమావేశం జరగనున్న నేపథ్యంలో స్థానిక ప్రజలు నూతన హెయిర్స్టైల్కు తెరతీశారు. ట్రంప్, కిమ్ హెయిర్కట్తో సరికొత్తగా కనిపిస్తున్నారు. అందుకనుగుణంగా ఈ నెల 28 వరకు ఉచితంగా హెయిర్కట్ చేస్తున్నారు స్థానిక క్షౌరశాల నిర్వాహకులు.
భేటీలో భాగంగా వచ్చే ఇరు దేశాధినేతలు తమను చూసే అవకాశమున్నందున ఇలా చేస్తున్నామని హనోయ్ ప్రజలంటున్నారు. కొంచెం బొద్దుగా, చిన్నగా ఉన్న వ్యక్తులు 'కిమ్'ను పోలిన హెయిర్ స్టైల్ చేసుకోడానికి ఇష్టపడుతున్నారు. మరికొందరేమో జట్టుకు రంగేసుకుని ట్రంప్లా మారుతున్నారు. తమ క్షౌరశాలకు వచ్చే వారిలో ఎక్కువ మంది కిమ్ హెయిర్స్టైల్ చేసుకోవడానికే మొగ్గుచూపుతున్నారని క్షురకులు తెలిపారు.
