2019 లోక్సభ ఎన్నికల్లో విజయమే లక్ష్యంగా పావులు కదుపుతోంది ఎన్డీయే. అందుకు అనుగుణంగా దేశవ్యాప్తంగా అన్ని పార్టీలతో సంప్రదింపులు జరుపుతూ కూటమిని మరింత బలోపేతం చేస్తోంది. మహారాష్ట్రలో శివసేనతో పొత్తును ఖరారు చేసిన భాజపా తమిళనాట అన్నాడీఎంకే-పీఎంకే పార్టీల కూటమితో జట్టుకట్టింది.
భాజపా-అన్నాడీఎంకే-పీఎంకే
అన్నాడీఎంకే-పీఎంకే, భాజపాలు రానున్న లోక్సభ ఎన్నికలతో పాటు రాష్ట్రంలో జరగనున్న 21 అసెంబ్లీ స్థానాల ఉపఎన్నికల్లోనూ ఉమ్మడిగానే బరిలో దిగనున్నట్లు ప్రకటించాయి. తాజాగా తమిళనాడు ముఖ్యమంత్రి పళనిస్వామి, ఉప ముఖ్యమంత్రి పన్నీర్ సెల్వంతో భేటీ అయిన భాజపా సీనియర్ నేత, కేంద్రమంత్రి పీయూష్ గోయల్ ఈ మెగా పొత్తు(భాజపా-అన్నాడీఎంకే-పీఎంకే) ఖరారైనట్లు ప్రకటించారు.
5 స్థానాల్లో భాజపా
తమిళనాట మొత్తం 39 లోక్సభ స్థానాల్లో 5 చోట్ల భాజపా పోటీ చేయనుంది. 7 స్థానాల్లో పీఎంకే పోటీ చేయనుంది. మిగతా స్థానాల్లో అన్నాడీంకే బరిలోకి దిగనుంది.
