అగస్టా వెస్ట్లాండ్ మనీ లాండరింగ్ కేసులో అరెస్టయిన రాజీవ్ సక్సేనా మధ్యంతర బెయిల్ను ఫిబ్రవరి 25 వరకూ పొడిగించింది దిల్లీ న్యాయస్థానం. అదే రోజున సక్సేనా బెయిల్ పిటిషన్పై వాదనలు వింటామని తెలిపింది. సక్సేనా ఆరోగ్య పరిస్థితిపై ఎయిమ్స్ వైద్య నివేదిక పరిశీలించాక ఈ నిర్ణయం ప్రకటించింది దిల్లీ కోర్టు.
గుండె సంబంధిత వ్యాధితో బాధపడుతున్న తనకు వైద్య కారణాలను పరిగణలోకి తీసుకుని బెయిల్ మంజూరు చేయాలని సక్సేనా పిటిషన్లో పేర్కొన్నారు.
చికిత్స నిమిత్తం ఫిబ్రవరి 14న వారం రోజుల పాటు సక్సేనాకు మధ్యంతర బెయిల్కు అనుమతిచ్చింది దిల్లీ కోర్టు. ఆరోగ్య పరిస్థితిపై నివేదిక రూపొందించాలని ఎయిమ్స్కు సూచించింది.
