సార్వత్రికానికి బాబా దూరం

2019 లోక్​సభ ఎన్నికలకు దూరంగా ఉంటానని రజనీకాంత్​ స్పష్టం చేశారు. రాష్ట్ర శాసనసభ ఎన్నికలపై దృష్టి సారిస్తానని వెల్లడించారు.

2019 లోక్​సభ ఎన్నికల్లో పోటీ చేయనని ప్రముఖ నటుడు రజనీకాంత్​ ప్రకటించారు. ఏ పార్టీకి మద్దతు ఇవ్వబోమని స్పష్టం చేశారు. ఎన్నికల ప్రచారానికి ఎవరూ తన ఫొటో, పార్టీ గుర్తు వినియోగించరాదని తేల్చిచెప్పారు. తమిళనాడు శాసన సభ ఎన్నికలపైనే తాను దృష్టి పెట్టానని తెలిపారు.

నీటి కొరత తమిళనాడు ప్రధాన సమస్య. దీనిపై బలమైన పోరాటం చేస్తాం. ఇదే అంశంతో ప్రజల్లోకి వెళతాం. ప్రస్తుతం నా దృష్టి మొత్తం రాష్ట్ర అసెంబ్లీ ఎన్నికలపైనే ఉంది. -రజనీకాంత్, సినీ నటుడు

2017 డిసెంబరులో తన రాజకీయ ప్రస్థానంపై స్పష్టతనిచ్చిన దగ్గర నుంచి అభిమానులతో తలైవా వీలు చిక్కినప్పుడల్లా సమావేశమవుతున్నారు. ఆయన అభిమాన సంఘానికి 'రజనీ మక్కల్ మండ్రమ్' అని పేరు మార్చారు. పార్టీ క్షేత్ర స్థాయి నిర్మాణంపై ప్రస్తుతం ఈ సంఘం ప్రణాళికలు రచిస్తోంది.

రజనీకాంత్ ప్రజా సమస్యల పట్ల దృష్టి సారించారు. గతంలో తూత్తుకుడి ఘటనలో బాధిత కుటుంబాలను కలసి బాసటగా నిలిచారు.