నేషనల్ హెరాల్డ్కు దిల్లీ హైకోర్టులో చుక్కెదురైంది. ఐటీవో పరిసరాలను ఖాళీ చేయాలని గతంలో న్యాయమూర్తి ఇచ్చిన ఆదేశాలను సవాలు చేస్తూ హెరాల్డ్ ప్రచురణకర్త ఏజెఎల్ దాఖలు చేసిన వ్యాజ్యాన్ని తిరస్కరించింది దిల్లీ హైకోర్టు.
పిటిషనన్ను విచారించిన జస్టిస్ రాజేంద్ర మీనన్ నేతృత్వంలోని ధర్మాసనం వ్యాజ్యాన్ని తిరస్కరిస్తూ తీర్పు వెలువరించింది.
అసలు సంగతేంటి..?
దేశ రాజధానిలోని నేషనల్ హెరాల్డ్ భవనంలో ముద్రణ కార్యాకలాపాలు జరగడం లేదనే కారణంతో 56 ఏళ్ల లీజును రద్దు చేస్తూ గతేడాది అక్టోబరు 30న నోటీసులు జారీ చేసింది కేంద్రం. దాన్ని వ్యతిరేకిస్తూ ఏజేఎల్ దిల్లీ హైకోర్టును ఆశ్రయించింది. నేషనల్ హెరాల్డ్ రెండు వారాల్లో ఐటీవో పరిసరాలను ఖాళీ చేయాలని ఏకసభ్య ధర్మాసనం 2018 డిసెంబర్ 21న ఆదేశాలు జారీ చేసింది. దాన్ని సవాల్ చేసింది ఏజేఎల్.
