పుల్వామా దాడికి ప్రతీకారం మొదలుపెట్టింది భారత్. పాక్ ఆక్రమిత కశ్మీర్లోని జైషే మహ్మద్ క్యాంపుపై తెల్లవారుజామున యుద్ధ విమానాలతో వెళ్లి బాంబుల్ని వదిలింది. ఈ వాయుదాడిలో 200-300 మంది ఉగ్రవాదులు మృతి చెంది ఉంటారని అంచనా. వాయుసేన చర్యపై పుల్వామా ఘటనలో మృతిచెందిన సైనికుల కుటుంబాలు హర్షం వ్యక్తం చేస్తున్నాయి.
భారత సేనలు పాక్కు బుద్ధి నేర్పుతున్నాయని సంతోషం వ్యక్తం చేస్తున్నారు. ఎంత మంది ఉగ్రవాదులు ఉంటే అంతమందిని చంపాలని ఆకాంక్షిస్తున్నారు. వాయు దాడితో పుల్వామా ఘటనలో అసువులు బాసిన ఉత్తరప్రదేశ్ వాసి జవాన్ విజయ్కుమార్ మౌర్య కుటుంబీకులు సంతోషం వ్యక్తం చేశారు.
మేం ఆశించిన విధంగా కేంద్రం వాయుదాడి చేసింది. దాడి పట్ల మాకెంతో సంతోషం కలిగింది. రాగల 50-100 సంవత్సరాల్లో జైషే వంటి సంస్థలు కలలో కూడా దాడుల గురించి ఊహించని విధంగా దాడులు జరపాలి. -విజయ్ కుమార్ మౌర్య సోదరుడు
వాయుసేన ఉగ్రవాదుల్ని చంపినందుకు చాలా సంతోషంగా ఉంది. ఇంకా ఎంతమంది ఉగ్రవాదులుంటే వారందరిని ఏరివేయాలి.- విజయ్కుమార్ మౌర్య భార్య
పుల్వామా దాడిలో అసువులు బాసిన రాజస్థాన్కు చెందిన సైనికుడు హరిసింగ్ కుటుంబీకులు వాయుదాడిపై ఆనందబాష్పాలు రాల్చారు. హరిసింగ్ మృతికి భారత్ బదులు తీర్చుకుందన్నారు.
వాయుదాడి ఎంతో మంచి పని. ఇంకా మిగిలిపోయిన ఉగ్రవాదుల్నీ మట్టుబెట్టాలి. -హరిసింగ్ తండ్రి
పాక్కు సిసలైన జవాబు. నక్కి దాడులు చేస్తున్న ఉగ్రవాదుల్ని వెతికి చంపడం సంతోషం కలిగించింది.-హరిసింగ్ సోదరుడు
ఉత్తరప్రదేశ్ మీరట్కు చెందిన పుల్వామా వీర జవాన్ అజయ్కుమార్ కుటుంబీకులు వాయుసేన దాడిపై స్పందించారు.
నా భర్త అమరుడైన ఆవేదన ఎప్పటికీ ఉంటుంది. వాయుదాడి మాత్రం బాధనుంచి ఉపశమనం కలిగించింది. ప్రభుత్వం అనుసరిస్తున్న విధానం సరైనది.-అజయ్కుమార్ సతీమణి
పుల్వామా అమరుడు అశ్వినీ ఖంచీ కుటుంబీకులు వాయుసేన ధీరత్వాన్ని కొనియాడారు. అశ్వినీ మృతికి బదులు తీర్చుకున్నారని సంతోషం వ్యక్తం చేశారు.
ప్రభుత్వం దాడుల్ని కొనసాగించాలి. ఎంతవరకైనా ముందుకెళ్లాలి-అశ్విని ఖంచీ తండ్రి
