ఉగ్రవాదాన్ని అణచివేసేందుకు చర్యలు తీసుకోవాలని పాకిస్థాన్ను అమెరికా హెచ్చరించింది. వైమానిక దాడి అనంతరం ఎలాంటి ప్రతిచర్యకు పాల్పడకూడదని పేర్కొంది. పుల్వామా దాడి అనంతరం ప్రతిచర్యగా బాలాకోట్లోని జైషే క్యాంపుపై వైమానిక దాడి చేసింది భారత్.
అమెరికా రక్షణ కార్యదర్శి మైక్ పాంపియో పాక్ విదేశాంగ మంత్రి షా మహ్మద్ ఖురేషికి ఫోన్ చేసి భారత్కు వ్యతిరేకంగా ఎలాంటి సైనిక చర్య చేపట్టకూడదని హెచ్చరిక జారీ చేశారు. భారత విదేశాంగ మంత్రి సుష్మాస్వరాజ్కు సైతం ఫోన్ చేశారు పాంపియో. భారత్తో రక్షణ సహకారం కొనసాగుతుందని, శాంతి మార్గమే లక్ష్యంగా పనిచేయాలని తెలిపారు.
"వైమానిక దాడి అనంతరం ప్రాంతీయ శాంతికై, రక్షణలో భాగస్వామ్య విషయమై మద్దతు కొనసాగుతుందని భారత విదేశాంగ మంత్రి సుష్మా స్వరాజ్కు తెలిపాను"- మైక్ పాంపియో
అమెరికా రక్షణ సలహాదారు జాన్ బోల్టన్ భారత రక్షణ సలహాదారు అజిత్ ధోబాల్కు ఫోన్ చేశారు. స్వీయ రక్షణకై భారత్ చేస్తున్న పోరాటంలో సహకారిస్తామని పేర్కొన్నారు.
