జమ్మూకశ్మీర్ పుల్వామా బాంబుదాడి దర్యాప్తు కేసును ఎన్ఐఏ వేగవంతం చేసింది. జమ్మూకశ్మీర్ పోలీసులు నమోదు చేసిన కేసును రీ-రిజిస్టర్ చేసింది. విచారణకు ప్రత్యేక అధికారుల బృందాన్ని ఏర్పాటు చేసింది.
ఫిబ్రవరి 14న పుల్వామాలో జరిగిన ఆత్మాహుతి బాంబుదాడిలో 40మంది సీఆర్పీఎఫ్ జవాన్లు మరణించారు. ఈ ఘటనపై జమ్మూకశ్మీర్ పోలీసులు అవంతిపొర పోలీసు స్టేషన్లో కేసు నమోదు చేశారు.
ఘటనా స్థలం నుంచి పేలుడు పదార్థాలను ఎన్ఐఏ స్వాదీనం చేసుకుంది. బాంబుదాడి తర్వాత పోలీసుల నిర్బంధంలో ఉన్న పన్నెండు మందిని ప్రశ్నిస్తున్నట్లు అధికారులు తెలిపారు.
పేలుడుకు సంబంధించి ఆధారాల కోసం సీనియర్ పోలీసులు, నిఘా వర్గాలు, ఆర్మీ అధికారులను కలిసినట్లు ఎన్ఐఏ తెలిపింది.
