దీక్ష వీడిన నారాయణస్వామి

లెఫ్టినెంట్ గవర్నర్ కిరణ్​ బేడితో చర్చల అనంతరం దీక్ష విరమించారు పుదుచ్చేరి సీఎం నారాయణ స్వామి.

ఆరు రోజులుగా శాసనసభ ఎదుట చేస్తున్న ధర్నాను విరమించారు పుదుచ్చేరి ముఖ్యమంత్రి. లెఫ్టినెంట్ గవర్నర్ కిరణ్​బేడితో చర్చల అనంతరం ఈ నిర్ణయం తీసుకున్నారు. మంత్రులు చేస్తున్న నిరసనల్ని, ఈ నెల 20,21 తేదీల్లో తలపెట్టిన జైల్​భరో కార్యక్రమాల్ని నిలిపివేయాలని ఆదేశించారు.

కొత్తగా 10వేల వృద్ధాప్య, వితంతు పింఛన్ల మంజూరుకు, సహకార చెరకు ఫ్యాక్టరీ వేలంతో సమకూరిన నిధులను రైతు, కార్మిక సంక్షేమానికి వినియోగించేందుకు లెఫ్టినెంట్​ గవర్నర్ ఆమోదం తెలిపారని ప్రకటించారు నారాయణ స్వామి.

ఒప్పంద పద్ధతిన ఉపాధ్యాయులు, ప్రభుత్వాసుపత్రుల్లో నర్సుల నియామకానికి కూడా కిరణ్​బేడీ అంగీకరించినట్లు సీఎం స్వామి తెలిపారు.

పుదుచ్చేరికి రాష్ట్ర హోదా అంశంపై ఉద్యమం కొనసాగుతుందని తెలిపారాయన.