ఆసుపత్రిలో చేరిన పారికర్​

ఉదర సంబంధ అనారోగ్యంతో గోవా ముఖ్యమంత్రి మనోహర్ పారికర్​ గోవా వైద్య కళాశాల ఆసుపత్రిలో చేరారు.

అనారోగ్యంతో బాధపడుతోన్న గోవా ముఖ్యమంత్రి మనోహర్​ పారికర్‌ను శనివారం రాత్రి గోవా వైద్య కళాశాల ఆసుపత్రిలో చేర్చారు.

ఉదర సంబంధ వ్యాధితో బాధపడుతోన్న పారికర్​కు వైద్యులు ఎండోస్కోపీ పరీక్షలు చేశారు. ప్రస్తుతం సీఎం ఆరోగ్యం నిలకడగా ఉందని, అయితే మరో 48 గంటల వరకు వైద్యుల పర్యవేక్షణలో ఆయన ఉంటారని సీఎం కార్యాలయం తెలిపింది.

ఆసుపత్రికి చేరుకున్న గోవా ఆరోగ్యశాఖ మంత్రి విశ్వజిత్ రాణే, పారికర్​ ఆరోగ్య పరిస్థితిపై వైద్యులను వాకబుచేశారు.

"నేను ముఖ్యమంత్రి పారికర్​తో మాట్లాడాను. ఆయన కేవలం వైద్య పరీక్షల కోసం వచ్చారు. రేపు ఆయన ఆసుపత్రి నుంచి ఇంటికి చేరుకుంటారు."

- విశ్వజిత్ రాణే, గోవా ఆరోగ్యశాఖ మంత్రి

క్లోమ గ్రంథి సంబంధిత వ్యాధికి గురైన 63 ఏళ్ల పారికర్ అమెరికా, దిల్లీ ఎయిమ్స్​లో చికిత్స పొందిన విషయం తెలిసిందే.