"అన్నీ వారిద్దరే"

కేంద్ర ప్రభుత్వంపై విమర్శల దాడి చేశారు పశ్చిమ్​ బంగ ముఖ్యమంత్రి మమత. కేంద్రం... మోదీ- అమిత్​ షా సోదరుల చేతిలో ఉందని విమర్శించారు. మంత్రివర్గం సొంత నిర్ణయాలు తీసుకోలేదని ఎద్దేవా చేశారు.

కేంద్ర ప్రభుత్వం పై విమర్శల వర్షం కురిపించారు పశ్చిమ్​ బంగ ముఖ్యమంత్రి మమతా బెనర్జీ. పుల్వమా ఉగ్రదాడిపై ఇంటెలిజెన్స్​ హెచ్చరికలున్నా ప్రభుత్వం నిర్లక్ష్యం వహించి, జవాన్ల మరణానికి కారణమైందని ఆమె ఆరోపించారు.తృణమూల్​ కాంగ్రెస్​ కోర్​కమిటి సమావేశంలో ఆమె ఈ వ్యాఖ్యలు చేశారు.

రాబోయే సార్వత్రిక ఎన్నికల్లో నియంత మోదీని గద్దె దించడమే లక్ష్యమని ప్రకటించారు. పశ్చిమ్​బంగలో తృణమూల్​ 42 లోక్​సభ స్థానాలు గెలుస్తుందని ధీమా వ్యక్తం చేశారు. కేంద్ర ప్రభుత్వం మోదీ-అమిత్​ షా సోదరుల చేతిలో ఉందని, మంత్రి వర్గం సొంత నిర్ణయాలు తీసుకోలేదని ఎద్దేవా చేశారు.

లోక్​సభ ఎన్నికల్లో ఈవీఎం మెషిన్ల ట్యాంపరింగ్​ను​ అరికట్టడానికి ప్రయత్నిస్తున్నందున తమ పార్టీ కార్యకర్తలు, నాయకులపై దాడులు జరుగుతున్నాయని ఆమె పేర్కొన్నారు.