మానసిక స్థితి సరిగా లేని ఓ వ్యక్తి సొంత కుటుంబంపై దాడి చేసి ఐదుగురిని హత్య చేశాడు. ఈ దారుణ సంఘటన జార్ఖండ్లోని ఖార్స్వాన్ జిల్లా పుదుసిల్లిలో జరిగింది.
చును సోరెన్ మానసిక పరిస్థితి గత కొంత కాలంగా సరిగా లేదు. పెళ్లయిన ఇతనికి ఒక కుమారుడు ఉన్నాడు. ఏమైందో తెలియదు.. ఒక్కసారిగా గొడ్డలితో కుటుంబ సభ్యులపై దాడి చేసి చంపాడు.
చును సోరెన్ సోదరుడు రవి సోరెన్(45), వదిన కల్పన(39), బావ జతిన్ సోరెన్, కుటుంబానికి చెందిన ఇద్దరు పిల్లల్ని గొడ్డలితో అత్యంత దారుణంగా నరికి చంపేశాడు.ఈ దాడిలో హంతకుని తల్లి, మరో సోదరుడు గాయాలతో బయటపడ్డారు. వీరిని సమీపంలోని ఆసుపత్రికి తరలించి చికిత్స అందిస్తున్నారు. నిందితుని భార్య, కుమారుడు దాడి నుంచి త్రుటిలో తప్పించుకున్నారు.
పోలీసులు చును సోరెన్ను అదుపులోకి తీసుకుని, విచారణ జరుపుతున్నారు.
