జమ్ముకశ్మీర్లో ఉద్రిక్త వాతావరణం నెలకొంది. బాలాకోట్ ఉగ్రస్థావరాలపై మంగళవారం భారత సైన్యం మెరుపుదాడులతో విరుచుకుపడింది. ఇందుకు ప్రతీకారమంటూ భారత గగనతలంలోకి పాక్ యుద్ధ విమానాలు చొరబడ్డాయి. ఇంతటి ఉద్రిక్తత మధ్య జమ్ములోని బుద్గామ్ ప్రాంతంలో భారత ఫైటర్జెట్ కుప్పకూలింది. ఈ ఘటనలో ఇద్దరు మరణించారు.
బుద్గామ్లోని గరేండ్ కలాన్ గ్రామం సమీపంలో కూలిన విమానాన్ని మిగ్-17 జెట్గా అధికారులు గుర్తించారు. ఉదయం 10గంటల 5 నిమిషాలకు ఈ ఘటన జరిగిందని అధికారుల అంచనా.
మిగ్-17 కూలడానికి కారణం సాంకేతిక సమస్యా లేక మరేదైనా అన్న కోణంలో అధికారులు దర్యాప్తు చేస్తున్నారు. ఈ విమానం కూలడానికి, తమకు ఎలాంటి సంబంధం లేదని పాకిస్థాన్ ప్రకటించింది.
