జమ్మూలో 2వరోజు కర్ఫ్యూ

జమ్మూలో కర్ఫ్యూ రెండో రోజు కొనసాగింది. ఎలాంటి అవాంఛనీయ ఘటనలు జరగలేదని అధికారులు తెలిపారు.

పుల్వామా ఉగ్రదాడి తర్వాత నిరసనలు వెల్లువెత్తిన నేపథ్యంలో జమ్మూలో కర్ఫ్యూ వరుసగా రెండో రోజు కొనసాగింది. సమస్యాత్మక ప్రాంతాల్లో సైనికులు ఫ్లాగ్​ మార్చ్​ నిర్వహించారు.

యూనివర్సిటీ ఆఫ్​ జమ్మూ శనివారం జరగాల్సిన పరీక్షలను వాయిదా వేసింది. భద్రతా కారణాల దృష్ట్యా మొబైల్​, ఇంటర్​నెట్​ సదుపాయాలు నిలిపివేశారు. ఎలాంటి అవాంఛనీయ ఘటనలు జరగలేదని జమ్మూ డీఐజీ తెలిపారు. అధికారులు నిరంతరం పరిస్థితిని సమీక్షిస్తున్నట్లు జమ్మూ డిప్యూటీ కమిషనర్ రమేశ్​ కుమార్​ వివరించారు. కర్ఫ్యూను కొనసాగించాలా వద్దా అనే విషయంపై త్వరలో నిర్ణయం తీసుకుంటామని చెప్పారు.

పుల్వామా ఉగ్ర దాడిని ఖండిస్తూ పాకిస్థాన్​ వ్యతిరేకంగా శుక్రవారం జమ్మూలో నిరసనలు వెల్లువెత్తాయి. పలు ప్రాంతాల్లో హింసాత్మక ఘటనలు జరిగాయి. ఒక పోలీసు అధికారి సహా తొమ్మిది మంది గాయపడ్డారు.