నితీశ్​కు​ సీబీఐ చిక్కులు

బిహార్​ ముజఫర్​పూర్​ వసతి గృహం కేసు కీలక మలుపు తిరిగింది. ముఖ్యమంత్రి నితీశ్​​ కుమార్​ను విచారించాలని పోక్సో కోర్టు ఆదేశించింది.

ముజఫర్​పూర్​ వసతి గృహంలో బాలికలపై ఆత్యాచారం కేసులో బిహార్​ ముఖ్యమంత్రి నితీశ్ ​కుమార్​కు ఎదురు దెబ్బ తగిలింది. నితీశ్​​తో పాటు ఇద్దరు సీనియర్​ అధికారులను విచారించాలని కేంద్ర దర్యాప్తు సంస్థను ముజఫర్​పూర్​లోని పోక్సో కోర్టు ఆదేశించింది.

నిందితుల్లో ఒకరైన అశ్విని దాఖలు చేసిన దరఖాస్తు ఆధారంగా కోర్టు ఈ ఆదేశాలు వెలువరించింది. కేసులో నిజానిజాలను సీబీఐ దాచి పెడుతోందని, ముజఫర్​పూర్​ మాజీ కలెక్టర్ ధర్మేంద్ర సింగ్​, మాజీ డివిజినల్​ కమిషనర్​, ప్రస్తుత సాంఘిక సంక్షేమ శాఖ ప్రధాన కార్యదర్శి అతుల్​ కుమార్​ సింగ్, ముఖ్యమంత్రి నితీష్​ కుమార్​ పాత్రపై విచారణ సరైన రీతిలో జరగలేదని అశ్విని దరఖాస్తులో ఆరోపించారు.

ఎవరీ అశ్విని:

అశ్విని వృత్తి రీత్యా వైద్యుడు. ముజఫర్​పూర్​ వసతిగృహంలో బాలికలను లైంగికంగా వేధించే ముందు వారికి మత్తు ఇంజెక్షన్లు చేసేవాడు.

వాదనలు ఎప్పటి నుంచి:

ఫిబ్రవరి 7న ఈ కేసు దిల్లీలోని పోక్సో కోర్టుకు బదిలీ అయింది. వచ్చే వారం నుంచి ఈ కేసులో వాదనలు ప్రారంభం కానున్నాయని సీబీఐ అధికారులు తెలిపారు.