కల్తీకి 18మంది బలి

అసోంలోని గోలఘాట్​ జిల్లాలో కల్తీ మద్యం తాగి 18 మంది మృతి చెందారు.

కల్తీ మద్యం కార్మికుల పాలిట శాపంగా మారింది. 18 మందిని బలిగొంది. అసోం గోలఘాట్​ జిల్లాలోని హల్మిరా టీ ఎస్టేట్​లో ఈ ఘటన జరిగింది. అక్కడ పని చేస్తున్న కార్మికులు కల్తీ మద్యం తాగిన వెంటనే తీవ్ర అస్వస్థకు గురయ్యారు. 18 మంది మరణించారు. మృతుల్లో నలుగురు మహిళలు ఉన్నారు. అనారోగ్యానికి గురైన మరికొందరికి ప్రభుత్వ ఆసుపత్రిలో చికిత్స అందిస్తున్నారు.

ఆసుపత్రిలో చికిత్స పొందుతున్న కొందరి పరిస్థితి విషమంగానే ఉంది. మృతుల సంఖ్య మరింత పెరిగే అవకాశం ఉందని వైద్యులు పేర్కొన్నారు. ఘటనపై పోలీసులు దర్యాప్తు చేపట్టారు.