Huge King Cobra in Anakapally District : అమ్మో..! 13 అడుగుల కింగ్ కోబ్రా.. చూడగానే పరుగు తీసిన రైతులు

Huge King Cobra in Anakapally District: అనకాపల్లి జిల్లాలో భారీ కింగ్​కోబ్రాను చూసిన రైతులు హడలెత్తిపోయారు. 13 అడుగుల పొడవున్న ఈ కింగ్​కోబ్రా.. పొలంలో పనిచేసుకుంటున్న రైతుల కంట పడగానే పరుగులు తీశారు. స్నేక్​ క్యాచర్​కి సమాచారం అందించగా.. ఆయన అక్కడికి చేరుకుని.. చాకచాక్యంగా దాన్ని బంధించి తిరిగి అటవీ ప్రాంతంలో సురక్షితంగా వదిలిపెట్టాడు. దీంతో ఆ రైతులు ఊపిరి పీల్చుకున్నారు.

జిల్లాలోని మాడుగుల మండలం ఎం. కోడూరు గ్రామానికి చెందిన.. ఎలమంచిలి రమేశ్​ అనే రైతుతో పాటు మరికొంత మంది రైతులు పొలంలో పనిచేసుకుంటున్నారు. ఈ సమయంలో అక్కడే మరో పాముని వెంబడిస్తూ.. కింగ్​కోబ్రా కోళ్ల పొలంలోని కోళ్ల షెడ్డులోకి దూరింది. దీంతో రైతులు అక్కడి నుంచి భయంతో పరుగులు తీశారు. దీంతో​ మడుగులకు చెందిన వెంకటేశ్​ అనే​ స్నేక్​ క్యాచర్​కు సమాచారం అందిచారు.  అక్కడికి చేరుకున్న వెంకటేశ్​​.. కింగ్​కోబ్రాను సంచిలో బంధించారు. కింగ్​కోబ్రా దాదాపు పది కిలోల వరకు బరువు ఉందని స్నేక్​ క్యాచర్ తెలిపారు. అనంతరం దానిని అటవీ ప్రాంతంలో సురక్షితంగా వదిలిపెట్టారు.