వసతి గృహంలో బాలికలను వేధిస్తోన్న మృగాడు

ప్రభుత్వాలు ఎన్ని చర్యలు తీసుకున్నా, పోలీసులు హెచ్చరించినా... మహిళలు, బాలికలపై వేధింపులు మాత్రం ఆగడంలేదు. బాలికల పట్ల మృగాళ్ల పవర్తన మారడం లేదు అందుకు ఈ ఘటనే నిదర్శనం. విశాఖ జిల్లా నర్సీపట్నం గిరిజన బాలికల వసతి గృహంలో వార్డెన్ పనిచేస్తున్న మహిళ భర్త బాలికల పట్ల అసభ్యంగా ప్రవర్తిస్తున్నాడు.

విశాఖ జిల్లా నర్సీపట్నం కళాశాలలో చదువుతున్న విద్యార్థుల కోసం మూడు వసతి గృహాలు నిర్వహిస్తున్నారు. ఈ వసతి గృహాల్లో సుమారు 150 మంది బాలికలు చదువుతున్నారు. వసతి గృహ పర్యవేక్షణకు వార్డెన్​ను నియమించారు. మెంటర్ బదులుగా ఆమె భర్త గణపతి వసతి గృహానికి వస్తూ బాలికలతో అసభ్యంగా ప్రవర్తిస్తున్నాడు. అసభ్య పదజాలంతో తమను వేధిస్తున్నారని విద్యార్థులు వాపోతున్నారు. వసతి గృహంలో సరైన వసతులు ఉండటం లేదని చెబుతున్నారు. ఈ ఘటనను ప్రజాసంఘాలు అధికారుల దృష్టికి తీసుకెళ్లాయి. విచారణ చేపట్టి బాధ్యులపై చర్యలు తీసుంటామని అధికారులు తెలిపారు.