సూర్యాపేట జిల్లా కోదాడ మండలం తొగర్రాయి గ్రామానికి చెందిన అజయ్కి... ప్రకాశం జిల్లాకు చెందిన ఇంద్రజకు రెండ్రోజుల క్రితం వివాహం జరిగింది. అనంతరం పెళ్లి కుమార్తె బంధువులు బరాత్లో డీజే వద్దని... తాము త్వరగా వెళ్లాలని వరుడి బంధువులకు తెలిపారు. ఇంతలో మాటా మాటా పెరిగి ముష్టియుద్ధానికి దారితీసింది.
ఇరువర్గాల బంధువులు ఒకరినొకరు కొట్టుకున్నారు. కుర్చీలు ఎత్తి కొట్టుకున్నారు. యువకుల ఆవేశాన్ని చల్లార్చేందుకు బంధువర్గంలోని మహిళలు కాళికావతారం ఎత్తాల్సి వచ్చింది. చివరకు మహిళల జోక్యంతో గొడవ సద్దుమణిగింది. ముష్టియుద్ధం చేసిన వాళ్లు ఎవరిదారిన వారు వెళ్లిపోయారు. ఆవేశానికి పోయి నూతన వధూవరులను, ఇరు కుటుంబాలను ఇబ్బంది పెట్టారు.
ఇరు కుటుంబాలు ఈ ఘటన మర్చిపోవాలని శ్రేయోభిలాషులు కోరుతున్నారు. ముఖ్యంగా నూతన వధూవరులు సంఘటన గురించి ఆలోచించకుండా.. హాయిగా కలకాలం అన్యోన్యంగా కాపురం చేయాలని సూచిస్తున్నారు.
పెళ్లి ఇంట డీజే తెచ్చిన చిచ్చు.. ఇప్పుడు సామాజిక మాధ్యమాల్లో తెగ చక్కెర్లు కొడుతుంది.
ఇదీ చదవండి: 'నా పేరు మధ్యప్రదేశ్.. నా కొడుకు పేరు భోపాల్'
