కర్నూలు జిల్లా కోవెలకుంట్ల మండలం జోలదారాసి గ్రామానికి చెందిన వెంకటేశ్వర్ల అనే వ్యక్తి వెంకటసుబ్బయ్య పక్కనే ఉండగా తింట్ల దండకం అందుకున్నాడు. అకారణంగా ఎందుకు తిడుతున్నావని ప్రశ్నించాడు వెంకటేశ్వర్లు. తిట్టింది వేరే వ్యక్తినని నీన్ను కాదని బదులిచ్చాడు సుబ్బయ్య. ఎవరి ఇబ్బంది పెట్టారో ఆయన దగ్గరికి వెళ్లి తిట్టమని.. లేకుంటే తాను అపార్ధం చేసుకుంటానని హితవు పలికాడు. తనకు ఇవ్వాల్సిన రూ. 150 ఇవ్వకుండా మాటలు చెబుతున్నావేంటని మద్యం మత్తులో ఉన్న సుబ్బయ్య గట్టిగా అడిగాడు. ఇది ఇద్దరి మధ్య ఘర్షణకు దారి తీసింది. ఒకరిపై ఒకరు చేయి చేసుకునే స్థాయికి వెళ్లారు. ఈ క్రమంలోనే వెంకటేశ్వర్లు పంచె ఉడిపోయింది. తననే కొట్టేందుకు వస్తావా అని కోపంతో ఊగిపోయిన సుబ్బయ్య... తన దంతాలతో వెంకటేశ్వర్ల వృషణాలు కొరికేశాడు. రక్తస్రావమైంది. నొప్పితో గట్టిగా కేకలు వేశాడు. ఇది గమనించిన స్థానికులు వెంకటేశ్వర్లను ఆసుపత్రికి తరలించారు. ప్రస్తుతం ఆయన నంద్యాల ప్రభుత్వ ఆస్పత్రిలో చికిత్స తీసుకుంటున్నాడు. గాయమైన చోట వైద్యులు వెంకటేశ్వర్లకు 8 కుట్లు వేశారు. ప్రస్తుతం ఆయన పరిస్థితి బాగానే ఉందని చెతున్నారు వైద్యులు.
ఇదీ చదవండి : ప్రమాదం నుంచి బయటపడ్డ ఎంపీ, ఎమ్మెల్యేలు
