నంద్యాల ఈఎస్​సీ పాలిటెక్నిక్ కళాశాల పూర్వ విద్యార్థుల సమ్మేళనం

కర్నూలు జిల్లా నంద్యాల ఈఎస్​సీ పాలిటెక్నిక్ కళాశాలలో 1986-90 సంవత్సరంలో ఈసీఈ డిప్లొమా బ్యాచ్​ పూర్వ విద్యార్థులు సమావేశమయ్యారు. ఈ సందర్భంగా తమకు చదువు చెప్పిన అధ్యాపకులను ఘనంగా సత్కరించారు. అప్పటి జ్ఞాపకాలను గుర్తు చేసుకుంటూ ఆనందంగా గడిపారు.

కర్నూలు జిల్లా నంద్యాల ఈఎస్​సీ పాలిటెక్నిక్ కళాశాలలో 1986-90 సంవత్సరం ఈసీఈ డిప్లొమా బ్యాచ్ పూర్వ విద్యార్థుల ఆత్మీయ సమ్మేళనం జరిగింది. 30 ఏళ్ల క్రితం కలిసి చదువుకున్న వారంతా... గణతంత్ర దినోత్సవం సందర్భంగా కలుసుకున్నారు. ఒకరినొకరు ఆప్యాయంగా పలకరించుకున్నారు. యోగ క్షేమాలను అడిగి తెలుసుకున్నారు. అప్పటి జ్ఞాపకాలను గుర్తు చేసుకున్నారు. ఈ సందర్భంగా కళాశాల ప్రిన్సిపాల్, అధ్యాపకులను సన్మానించారు. వచ్చే ఏడాది నుంచి బ్యాచ్​లో టాపర్​గా నిలిచిన విద్యార్థికి నగదును అందజేయాలని నిర్ణయించారు. ప్రిన్సిపాల్ సూచన మేరకు కళాశాల భవన మరమ్మతులకు తమ వంతు సహకరిస్తామన్నారు. అనంతరం ఇటీవల మృతిచెందిన తమ తోటి విద్యార్థి గురునాథ రెడ్డికి నివాళులర్పించారు.

ఇదీ చూడండి: నరేంద్రపురంలో ఉన్నత పాఠశాలలో అ 'పూర్వ' సమ్మేళనం