'తెదేపా హయాంలోని ఆ పథకాలపై సీబీఐ విచారణ' - cbi enquiry on tdp schems

రాష్ట్ర మంత్రివర్గం కీలక నిర్ణయాలు తీసుకుంది. గత ప్రభుత్వం అమలు చేసిన కొన్ని పథకాలపై సీబీఐ విచారణ కోరాలని నిర్ణయించింది. భోగాపురం విమానాశ్రయానికి గత ప్రభుత్వం 2700 ఎకరాలు కేటాయించగా... 2,200 ఎకరాల్లో నిర్మాణం చేపట్టాలని ప్రభుత్వం నిర్ణయించింది. మిగతా 500 ఎకరాలు ప్రభుత్వ అధీనంలో ఉంటాయని మంత్రి పేర్ని నాని తెలిపారు.

ap-cabinet-has-decided-to-seek-a-cbi-inquiry-into-past-government-schemes

Published : Jun 11, 2020, 4:27 PM IST

Updated : Jun 11, 2020, 5:38 PM IST

తెలుగుదేశం హయాంలో అనినీతి జరిగిందని ఆరోపిస్తున్న ప్రభుత్వం.... సీబీఐ దర్యాప్తుతో నిజాలు తేల్చాలని నిర్ణయించింది. చంద్రన్న సంక్రాంతి కానుక, రంజాన్ తోఫా, క్రిస్మస్ కానుక, ఫైబర్ నెట్ పథకాలపై సీబీఐ దర్యాప్తు కోరాలని ముఖ్యమంత్రి జగన్ అధ్యక్షతన సచివాలయంలో జరిగిన కేబినెట్ భేటీలో నిర్ణయించారు. అలాగే.. మరిన్ని కీలక నిర్ణయాలు, ప్రతిపాదనలకు కేబినెట్ ఆమోదం తెలిపింది. ఈ వివరాలను మంత్రి పేర్ని నాని మీడియాకు వెల్లడించారు.

'జగనన్న తోడు పథకానికి మంత్రివర్గం ఆమోదం తెలిపింది. దీని ద్వారా 45- 60 ఏళ్లు గల మహిళలకు ఏడాదికి రూ.18,750 ఆర్థిక సాయం అందనుంది. దాదాపు 25 లక్షల మంది ఎస్సీ, ఎస్టీ, మైనార్టీ మహిళలకు ఈ పథకం ద్వారా లబ్ధి చేకూరుతుంది. గర్భిణులు, చిన్నపిల్లలకు సంపూర్ణ ఆరోగ్యం కోసం వైఎస్‌ఆర్‌ సంపూర్ణ పోషణ, వైఎస్‌ఆర్‌ సంపూర్ణ పోషణ ప్లస్‌ పథకాలకు రూ.18 వేల కోట్లకు పైగా ఖర్చుకు మంత్రివర్గంలో ఆమోదం లభించింది. పేదలకు ఇళ్ల స్థలాలపై హైకోర్టు తీర్పు ప్రకారం జీవోలో మార్పులకు మంత్రివర్గం అంగీకారం తెలిపింది. ఐదేళ్లు ఉన్న తర్వాతే ఇల్లు అమ్ముకునేందుకు అవకాశం ఉంటుంది' అని మంత్రి పేర్నినాని తెలిపారు.

మంత్రివర్గం ఆమోదించిన మరికొన్ని అంశాలు