గుంటూరులో రెండో రాష్ట్ర స్థాయి మున్సిపల్ క్రీడా పోటీలు ప్రారంభం

రెండో రాష్ట్ర స్థాయి మున్సిపల్ క్రీడా పోటీలు గుంటూరు జిల్లాలో ఘనంగా ప్రారంభమయ్యాయి. జిల్లా కలెక్టర్ శామ్యూల్ పోటీలను ప్రారంభించారు. ప్రోత్సాహకాలను అందిపుచ్చుకుని క్రీడాకారులు ఆటల్లో రాణించాలని కలెక్టర్​ సూచించారు.

గుంటూరు జిల్లా కేంద్రంలో రెండో రాష్ట్ర స్థాయి మున్సిపల్ క్రీడా పోటీలను జిల్లా కలెక్టర్ శామ్యూల్​ ప్రారంభించారు. రాష్ట్ర ప్రభుత్వం మున్సిపల్ పాఠశాలలకు అందించే ప్రోత్సాహకాలను అందిపుచ్చుకుని విద్యార్థులు క్రీడల్లో రాణించాలని కలెక్టర్​ సూచించారు. క్రీడలతో మానసిక ఉల్లాసం, శారీరక దృఢత్వం చేకూరుతాయని చెప్పారు. అవకాశాలను సద్వినియోగం చేసుకుని క్రీడల్లో రాణించి జాతీయ, అంతర్జాతీయ స్థాయిలో పోటీ పడుతూ రాష్ట్రానికి, దేశానికి పేరు తీసుకురావాలని.. నగరపాలక సంస్థ కమిషనర్ అనురాధ అన్నారు. నగరంలో మూడు రోజుల పాటు ఈ క్రీడలు జరగనున్నాయి. ఈ సందర్భంగా విద్యార్థులు ప్రదర్శించిన సాంస్కృతిక కార్యక్రమాలు అలరించాయి.

ఇదీ చదవండి: