ప్రభుత్వంపై చినరాజప్ప మండిపాటు
ఐపీఎస్ అధికారి ఏబీ వెంకటేశ్వరరావును ప్రభుత్వం సస్పెండ్ చేయడాన్ని మాజీ ఉప ముఖ్యమంత్రి, తెదేపా నేత నిమ్మకాయల చినరాజప్ప తప్పుబట్టారు. చంద్రబాబు సీఎంగా ఉన్న సమయంలో చీఫ్ ఇంటెలిజెన్స్ అధికారిగా పని చేసిన ఆయనపై ప్రభుత్వం కావాలనే చర్యలు తీసుకుందని తూర్పుగోదావరి జిల్లా రావులపాలెంలో అన్నారు. ముఖ్యమంత్రి రాష్ట్రాన్ని అభివృద్ధి చేయకుండా.. కక్షసాధింపులకు పాల్పడుతున్నారని మండిపడ్డారు. ప్రస్తుతం 170 మంది పోలీసు అధికారులు వీఆర్లో ఉన్నారని.. వారికి పోస్టింగ్ ఇవ్వకుండానే పని చేయించుకుంటున్నారని చినరాజప్ప విమర్శించారు.
