తిరుపతిలో నోటికి నల్ల బ్యాడ్జీలతో భాజపా ఆందోళన

ప్రపంచ వ్యాప్తంగా కరోనా మహమ్మారి భయపెడుతుంటే రాష్ట్రంలో దాని ప్రభావం లేదని సీఎస్​తో ఎన్నికల సంఘానికి లేఖ రాయించటం దారుణమని భాజపా రాష్ట్ర కార్యదర్శి భానుప్రకాష్​రెడ్డి అన్నారు. తిరుపతి నగరపాలక సంస్థ కార్యాలయం వద్ద నోటికి నల్లబ్యాడ్జీలు కట్టుకుని భాజపా నాయకులు ఆందోళన చేసారు. ప్రభుత్వ ప్రధాన కార్యదర్శి ఎన్నికల సంఘానికి రాసిన లేఖలను దగ్ధం చేశారు. నగర పాలక సంస్థ కమిషనర్ పీఎస్ గిరిషాని కలిసి వినతిపత్రం అందించారు. స్థానిక సంస్థలకు ఎన్నికలకు సంబంధించి తిరిగి నోటిఫికేషన్ ఇవ్వాలని కోరారు. రాజ్యాంగ బద్ధమైన సంస్థల విచక్షణాధికారాలు తెలియకుండా సీఎం జగన్​ అజ్ఞానంతో మాట్లాడుతున్నారన్నారు. తక్షణమే రాష్ట్రంలో కరోనా వ్యాప్తిని నిరోధించేలా చర్యలు ప్రారంభించాలని డిమాండ్ చేశారు.

.

ఇదీ చదవండి : 'శ్రీకాళహస్తి నియోజకవర్గంలో ఎన్నికలు పూర్తిగా రద్దు చేయండి'