8 ఏళ్ల బాలుడిపై.. ఒకటి, రెండు కాదు.. 15 కుక్కల దాడి

కుక్కల దాడిలో ఎనిమిదేళ్ల బాలుడు తీవ్రంగా గాయపడ్డాడు. సుమారు 15 గ్రామసింహాలు మూకుమ్మడిగా బాలుడిపై దాడి చేశాయి. తెలంగాణలోని సికింద్రాబాద్​ మల్కాజిగిరి జిల్లా మౌలాలీ ప్రాంతంలో ఈ జరిగిన ఘటనతో స్థానికులు భయాందోళనలకు గురవుతున్నారు.

తెలంగాణ రాష్ట్రంలోని మేడ్చల్ మల్కాజిగిరి జిల్లా మౌలాలీలో దారుణం జరిగింది. వీధి కుక్కల దాడిలో ఎనిమిదేళ్ల బాలుడు తీవ్రంగా గాయపడ్డాడు. ఉదయం ఇంట్లోంచి బయటకు వచ్చిన బాలుడిపై ఒక్కసారిగా 15 గ్రామసింహాలు చుట్టుముట్టి మూకుమ్మడి దాడి చేశాయి. తలపై, ఒళ్లంతా కరిచాయి. కుక్కలను చెదరగొట్టిన స్థానికులు హుటాహుటిన బాలుడిని ఆస్పత్రికి తీసుకెళ్లారు. చికిత్స పొందుతున్న బాలుడి పరిస్థితి విషమంగా ఉంది. కుక్కలు స్వైర విహారం చేస్తున్నాయని ఎన్నిసార్లు జీహెచ్​ఎంసీ అధికారులకు ఫిర్యాదు చేసినా వారు పట్టించుకోకపోవడం వల్లే ఈ ఘటన జరిగిందని స్థానికులు ఆగ్రహం వ్యక్తం చేస్తున్నారు.

ఇదీ చదవండి: ఐఈడీ పేలుడులో 15మంది జవాన్లకు గాయాలు