MLC Ananthbabu Bail Extended ఎమ్మెల్సీ అనంతబాబు బెయిల్ను వచ్చే నెల 5 వరకు పొడిగిస్తూ హైకోర్టు మధ్యంతర ఉత్తర్వులు జారీ చేసింది. జిల్లా కోర్టు ఇచ్చిన బెయిల్ను పొడిగించాలని అనంతబాబు వేసిన పిటిషన్పై హైకోర్టు విచారణ జరిపింది. పిటిషనర్ తల్లి మరణించడంతో ఆమె పెద్దకర్మ అయ్యే వరకూ బెయిల్ పొడిగించాలని పిటిషనర్ తరపు న్యాయవాది వాదనలు వినిపించారు. వాదనలు విన్న న్యాయస్థానం బెయిల్ను పొడిగిస్తూ ఉత్తర్వులు జారీ చేసింది. ఇటీవల రాజమండ్రి ఎస్సీ, ఎస్టీ కోర్టు అనంతబాబుకు మూడు రోజులు బెయిల్ మంజూరు చేసిన సంగతి తెలిసిందే.
ఈ ఏడాది మే 19న దళిత యువకుడు, ఎమ్మెల్సీ మాజీ డ్రైవర్ సుబ్రహ్మణ్యం హత్య జరగ్గా.. ఆ కేసులో ఎమ్మెల్సీ అనంతబాబును మే 23న పోలీసులు అరెస్టు చేశారు. అప్పటినుంచి అనంతబాబు రిమాండ్లో ఉన్నారు.
ఇవీ చూడండి