నెల్లూరు జిల్లాలో రీపోలింగ్​కు ఏర్పాట్లు పూర్తి

నెల్లూరు జిల్లాలో రెండు చోట్ల 6వ తేదీన జరిగే రీపోలింగ్​కు ఎన్నికల సంఘం ఏర్పాట్లు పూర్తి చేసింది. ఎలాంటి పొరపాట్లకు అవకాశం ఇవ్వరాదని అధికారులకు ఈసీ స్పష్టం చేసింది.

నెల్లూరు జిల్లాలో రెండు చోట్ల ఈనెల 6వ తేదీన జరిగే రీపోలింగ్​కు అన్ని ఏర్పాట్లు పూర్తి చేశారు. గత నెల 11వ తేదీన జరిగిన సార్వత్రిక ఎన్నికల్లో చిన్నపాటి తప్పిదాల వల్ల 2 పోలింగ్ కేంద్రాల్లో రీపోలింగ్ నిర్వహిస్తున్నారు. అధికారుల నిర్లక్ష్యం కారణంగా కొన్ని చోట్ల ఈవీఎంలు మొరాయించటం, పోలింగ్ ముగిసిన తర్వాత ఓటింగ్ యంత్రాల తరలింపులో జాప్యం వహించటం వంటి కారణాలపై విచారణ చేపట్టిన ఎన్నికల సంఘం...రీపోలింగ్​కు సిఫార్సు చేసింది.