ఆటోను తప్పించబోయి బోల్తాపడిన ఇసుక లారీ

తాటిచెట్లపాలెం జాతీయ రహదారి కూడలివద్ద పెద్ద ప్రమాదం తప్పింది. రోడ్డుకు అడ్డంగా వచ్చిన ఆటోను తప్పించే క్రమంలో డివైడర్ ను ఢీకొట్టి ఇసుక లారీ బోల్తా పడింది.

మధురవాడ నుంచి ఎన్​ఏడి కూడలి వైపు వెళ్తున్న ఇసుక లారీ తాటిచెట్లపాలెం కూడలి వద్దకు వచ్చేసరికి ప్రయాణికులతో వెళ్తున్న ఓ ఆటో జాతీయ రహదారిపై వచ్చింది. దాన్ని తప్పించబోయిన డ్రైవర్... రోడ్డు మధ్యలో ఉన్న డివైడర్​ను ఢీకొట్టడంతో లారీ ఒక్కసారిగా బోల్తా కొట్టింది. ఆ సమయంలో పాదచారులు ఎవరూ లేకపోవడంతో పెద్ద ప్రమాదం తప్పింది. నిత్యం రద్దీగా ఉండే ఈ కూడలిలో ప్రమాదం జరగడంతో కిలోమీటరు మేర ట్రాఫిక్‌కు అంతరాయమేర్పడింది. ప్రమాద స్థలానికి చేరుకున్న పోలీసులు సర్వీస్ రోడ్డు ద్వారా వాహనాలు మళ్లించారు. ఉదయం 6.30 గంటల ప్రాంతంలో ఈ ప్రమాదం జరిగినట్లు డ్రైవర్ చెబుతున్నాడు.