Kannada Actor Darshan Murder Case : కర్ణాటకలో రేణుకాస్వామి అనే తన అభిమానని హత్య చేసినట్లు నటుడు దర్శన్ అరెస్టయి ప్రస్తుతం పోలీసుల కస్టడీలో ఉన్న విషయం తెలిసిందే. ఈ నేపథ్యంలో పవిత్రా గౌడకు అశ్లీల చిత్రాలు పంపించాడన్న కోపంతో తాను రేణుకాస్వామిపై చేయి చేసుకున్నానని పోలీసుల విచారణలో తెలిపాడు. రెండు దెబ్బలుకొట్టి, షెడ్డు నుంచి బయటకు వచ్చానని, మిగిలినవారు అతణ్ని హత్య చేసి, తన తలకు చుట్టారని వాపోయాడు.
రేణుకాస్వామిని తీసుకువచ్చేంత వరకు తనకు ఈ విషయం తెలియదని, అతణ్ని బెంగళూరుకు తీసుకువచ్చామని చెప్పి షెడ్డుకు తీసుకువెళ్లారని పోలీసులకు వివరించాడు. పవిత్రా గౌడకు క్షమాపణలు చెప్పిద్దామని మాత్రమే అక్కడికి వెళ్లానని తమను చూసిన వెంటనే తప్పయిందని రేణుకాస్వామి చేతులు జోడించాడని పేర్కొన్నాడు. అతనిని రెండు దెబ్బలు వేసి, జేబులో నుంచి డబ్బులు తీసిచ్చి, భోజనం చేసి ఊరికి వెళ్లమని సూచించి ఇంటికి వచ్చినట్లు పోలీసుల ఎదుట దర్శన్ చెప్పుకొచ్చాడు.
