మహారాష్ట్రలో భారీ ఎన్​కౌంటర్- 12మంది నక్సలైట్లు మృతి

Maharashtra Encounter : మహారాష్ట్ర గడ్చిరోలిలో పోలీసులతో జరిగిన కాల్పుల్లో 12మంది నక్సలైట్లు మృతి చెందారు. కాల్పులు జరిపిన ప్రాంతంలో మావోయిస్టుల మృత దేహాలతోపాటు 3 ఏకే47 సహా 7 అడ్వాన్స్డ్ ఆయుధాలు స్వాధీనం చేసుకున్నట్లు పోలీసు అధికారులు తెలిపారు. ఈ కాల్పుల్లో ఓ జవాన్​ భుజానికి బుల్లెట్ తగిలినట్లు తెలిసింది. ప్రస్తుతం జవాన్ ఆరోగ్య పరిస్థితి నిలకడగా ఉన్నట్లు అధికారులు తెలిపారు. కాగా, మహారాష్ట్ర గడ్చిరోలిలో బుధవారం మధ్యాహ్నం పోలీసులు- నక్సలైట్ల మధ్య కాల్పులు ప్రారంభమయ్యాయి. సుమారు 6గంటల పాటు జరిగిన ఈ కాల్పుల్లో ఇప్పటివరకు 12మంది మరణించారు.