ఉప ప్రధానిగా నీతీశ్​ కుమార్​! ఒప్పించేందుకు ప్రయత్నాలు ముమ్మరం!

INDIA Offered Deputy PM To Nithish Kumar : ఎన్​డీఏ కూటమిలో భాగమైన జేడీయూ అధినేత నీతీశ్​ కుమార్​కు ఇండియా కూటమి డిప్యూటీ ప్రధాని పదవిని ఆఫర్​ చేసినట్లు తెలుస్తోంది. ఈ మేరకు విశ్వసనీయవర్గాల సమాచారాన్ని ఉటంకిస్తూ జాతీయ మీడియాలో వార్తలు వెలువడుతున్నాయి. అయితే దీనిపై ఇప్పటి వరకు 'ఇండియా' కూటమి నుంచి ఎలాంటి అధికారిక ప్రకటన రాలేదు. కాగా, ఎన్​డీఏ కూటమిలో బీజేపీ తర్వాత మూడో అతిపెద్ద పార్టీగా జేడీయూ నిలిచింది. ప్రభుత్వం ఏర్పాటు చేయడంలోనూ జేడీయూ కీలకంగా వ్యవహరించనుంది. ఈ నేపథ్యంలో నీతీశ్​ను తమ వైపునకు తిప్పుకునేందుకు 'ఇండియా' ప్రయత్నాలు ముమ్మరం చేసినట్లు సమాచారం. బిహార్​ డిప్యూటీ సీం సమ్రాట్​ చౌదరి, నీతీశ్​ను కలిసేందుకు ఆయన నివాసానికి చేరుకున్నారు. ఈ క్రమంలో స్పందించిన జేడీయూ నేత కేజీ త్యాగి ఈ వార్తలను ఖండించారు. తాము ఇప్పుడు, ఎప్పటికీ ఎన్​డీఏలోనే ఉంటామని, ఇలాంటి రూమర్లకు ఇప్పటికైనా తెరపడాలని స్పష్టంచేశారు.