హైదరాబాద్​లో ఫెనటిక్స్​ డిజిటల్​ స్పోర్ట్స్ ఇన్నోవేషన్ సెంటర్

హైదరాబాద్​లో ఫెనటిక్స్​ కొత్త డిజిటల్​ స్పోర్ట్స్ ఇన్నోవేషన్ సెంటర్​ - పెరగనున్న ఉపాధి అవకాశాలు

Fanatics Expands Its Digital Sports Innovation Centre : హైదరాబాద్​లో ఫెనటిక్స్​ కొత్త డిజిటల్​ స్పోర్ట్స్ ఇన్నోవేషన్ సెంటర్​ను ప్రకటించింది. దీనికి అభిషేక్​ ధస్మానాను వైస్​ ప్రెసిడెంట్​గా, జనరల్​ మేనేజర్​గా నియమించింది. 2026 నాటికి ఈ సంస్థ మరింతో బలోపేతం కానుందని తెలిపింది. రాబోయే రెండేళ్లలో డిజిటల్​ స్పోర్ట్స్ విభాగంలో ఉపాధి అవకాశాల సంఖ్య రెట్టింపు కానుందని ధీమా వ్యక్తం చేసింది.

వచ్చే ఏడాదికి మరింత విస్తరణ : ఫెనటిక్స్ ప్రముఖ గ్లోబల్​ డిజిటల్​ స్పోర్ట్స్​​ ప్లాట్​ఫామ్. 80 ప్రాంతాల్లో, 22వేల మంది ఉద్యోగులతో తమ కంపెనీని మరింత బలోపేతం చేస్తున్నట్లు ప్రకటించింది. ​ సంస్థ విస్తరణ కోసం నిబద్ధతతో పని చేస్తామని వివరించింది. 2026 నాటికి హైటెక్​ సిటీలో ప్రస్తుతం ఉన్నదాని కంటే సంస్థ విస్తరణ మూడు రెట్లు అధికమవుతుందని పేర్కొంది.

హైదరాబాద్​లో ఫెనటిక్స్ కార్యాలయంలో అభిషేక్​ ధస్మానాను వైస్​ ప్రెసిడెంట్​గా నియమించారు. ఈ సందర్భంగా మాట్లాడిన ఆయన ఈ సంస్థలో ప్రతిభావంతులు పని చేస్తున్నారని, ఈ బృందంలో తనను చేర్చుకోవడం ఎంతో ఆనందంగా ఉందన్నారు. సాంకేతికత, ఏఐను ఉపయోగించుకుని మా సంస్థ భవిష్యత్తును రూపొందించడానికి ఎంతోగాను ఎదురుచూస్తున్నట్లు తెలిపారు.

"ఈ సంస్థలో నాకు భాగస్వామ్యం రావడం చాలా ఆనందంగా, గర్వంగా అనిపిస్తుంది. ఈ సంస్థ విస్తరణ కోసం పని చేయడానికి సిద్దంగా ఉన్నాను. ఇందులో చాలా మంది ప్రతిభావంతులు పనిచేస్తున్నారు. వారందరితో కలిసి పని చేయడానికి నేను ఎదురుచూస్తున్నాను. ఈ సంస్థ ద్వారా ప్రపంచవ్యాప్తంగా క్రీడా అభిమానులను ఆనందపరచడానికి కట్టుబడి ఉన్నాము." - అభిషేక్​ ఫ్యానటిక్స్​ సంస్థ వైస్​ ప్రెసిడెంట్

ఫెనటిక్స్​ ప్రభావ సాంకేతిక ప్రాజెక్టులను నడిపిస్తుందని, వినూత్న ఉత్పత్తులను అభివృద్ధి చేస్తుందన్నారు. 2018లో ఫెనటిక్స్​ తన మొదటి టెక్నాలజీ సెంటర్​ను హైదరాబాద్​లో ప్రారంభించిందని అభిషేక్ తెలిపారు. వేలాది మంది అథ్లెట్లను ఈ వేదికపైకి తీసుకొస్తామన్నారు. ఫెనటిక్స్ కలెక్టబుల్స్, గేమింగ్‌లో ఉత్పత్తుల సేవలను అందింస్తుందని వివరించారు.