గంభీర్​ రికార్డ్​ బ్రేక్ చేసిన యశస్వి- దెబ్బకు 16ఏళ్ల రికార్డ్ బ్రేక్!

యశస్వీ ఖాతాలో మరో రికార్డు- గంభీర్​ను అధిగమించిన యంగ్ ఓపెనర్

Jaiswal Breaks Gambhir Record : టీమ్ఇండియా ఓపెనర్ యశస్వీ జైస్వాల్ మరో రికార్డు ఖాతాలో వేసుకున్నాడు. క్యాలెండర్ ఇయర్​లో అత్యధిక టెస్టు పరుగులు (1,136) చేసిన భారత లెఫ్ట్ హ్యాండ్ బ్యాటర్​గా రికార్డు సృష్టించాడు. 2008 క్యాలెండర్ ఇయర్​లో ప్రస్తుత భారత హెడ్ కోచ్ గౌతమ్ గంభీర్ (1134) పరుగులు చేశాడు. ఆ రికార్డును ఆసీస్​తో జరుగుతున్న పెర్త్ టెస్టులో యశస్వి బద్దలుగొట్టాడు. దీంతో 16 ఏళ్ల తర్వాత గంభీర్ రికార్డు బద్ధలైంది.

అదరగొట్టిన యశస్వీ
ప్రస్తుత భారత హెడ్ కోచ్ 2008లో 8 మ్యాచ్​ల్లో 70.67 సగటుతో 1,134 పరుగులు చేశాడు. అందులో 6 అర్ధ సెంచరీలు, 3 సెంచరీలు ఉన్నాయి. 2024లో యశస్వీ జైస్వాల్ 12 మ్యాచ్​ల్లో 55.28 సగటుతో 1161కు పైగా రన్స్ చేశాడు. అందులో 7 హాఫ్ సెంచరీలు, 2 శతకాలు ఉన్నాయి. ఓ క్యాలెండర్ ఇయర్​లో అత్యధిక పరుగులు చేసిన లెఫ్ట్ హ్యాండర్ల జాబితాలో యశస్వీ జైస్వాల్, గంభీర్ తర్వాత మాజీ బ్యాటర్ సౌరభ్ గంగూలీ ఉన్నాడు. 1997లో గంగూలీ 848, 2002లో 945, 2007లో 1107 రన్స్ చేశాడు.

అగ్ర స్థానం కోసం!
అలాగే ఈ యంగ్ ఓపెనర్ ప్రస్తుత ఏడాది టెస్టుల్లో అత్యధిక పరుగులు చేసిన రెండో ప్లేయర్​గా కొనసాగుతున్నాడు. తొలి స్థానంలో ఇంగ్లాండ్ స్టార్ జో రూట్ ఉన్నాడు. 2024లో జో రూట్ 1338 పరుగులు బాదాడు. ఆ రికార్డును బోర్డర్- గావస్కర్ ట్రోఫీలోనే బద్దలుగొట్టి ఫస్ట్ ప్లేస్​లోకి వెళ్లేందుకు జైస్వాల్ ప్రయత్నిస్తున్నాడు.

Upper cut and a swoop shot for fours!@ybj_19 showing his full range in just his first game on Australian soil.

Live - https://t.co/gTqS3UPruo…… #AUSvIND pic.twitter.com/3XaKj1l9z2

— BCCI (@BCCI) November 23, 2024

కాగా, పెర్త్ వేదికగా జరుగుతున్న మొదటి టెస్టు తొలి ఇన్నింగ్స్​లో జైస్వాల్ విఫలమైనప్పటికీ, రెండో ఇన్నింగ్స్​లో ఆకట్టుకున్నాడు. 193 బంతుల్లో 90* పరుగులతో క్రీజులో కొనసాగుతున్నాడు. ఇక రెండో రోజు ఆట ముగిసేసరికి టీమ్ఇండియా 172- 0తో నిలిచింది. దీంతో భారత్ ప్రస్తుతం 218 పరుగుల ఆధిక్యంలో కొనసాగుతోంది. అంతుకుముందు ఆస్ట్రేలియా తొలి ఇన్నింగ్స్​లో 104 పరుగులకే కుప్పకూలింది. జస్ప్రీత్ బుమ్రా 5, హర్షిత్ రాణా 3, మహ్మద్ సిరాజ్ 2 వికెట్లు పడగొట్టారు.