Weekly Horoscope From 25th Aug to 31th Aug 2024 Horoscope : 2024 ఆగస్టు 25వ తేదీ నుంచి ఆగస్టు 31వ తేదీ వరకు మీ రాశిఫలం ఎలా ఉందంటే ?
మేషం (Aries) : మేషరాశి వారికి ఈ వారం అత్యంత అనుకూలంగా ఉంటుంది. వృత్తి వ్యాపార ఉద్యోగ రంగాల వారు ఈ వారం విదేశీయానం చేయనున్నారు. కుటుంబంలో సుఖసంతోషాలు నెలకొంటాయి. ఉద్యోగులు బాధ్యతాయుతంగా పనిచేసి ఉన్నతాధికారుల ప్రశంసలను అందుకుంటారు. పదోన్నతులు కూడా పొందే అవకాశం ఉంది. వ్యాపారంలో ఊహించని ధనలాభాలు ఉంటాయి. విదేశాలలో ఉన్నవారితో కొత్త వ్యాపార ఒప్పందాలు చేసుకుంటారు. సమాజంలో కీర్తిప్రతిష్ఠలు పెరుగుతాయి. డబ్బు పెట్టుబడులు పెట్టేటప్పుడు తెలివిగా వ్యవహరించాలి. ఖర్చులు పెరగవచ్చు కానీ ఆదాయం కూడా గణనీయంగా పెరుగుతుంది. ఆరోగ్యం సహకరిస్తుంది. కుటుంబంలో శుభకార్యాలు జరిగే సూచన ఉంది. ఇష్ట దేవతారాధన శుభకరం.
వృషభం (Taurus) : వృషభ రాశి వారికి ఈ వారం అనుకూలంగా ఉంటుంది. ముఖ్యంగా ఆర్థిక పరంగా అభివృద్ధిని చూస్తారు. అన్ని వైపులా నుంచి ధనప్రవాహం ఉంటుంది. వ్యాపారంలో గతంలో ఆగిపోయిన సొమ్ము చేతికి అందుతుంది. స్థిరాస్తి రంగం వారు కొనుగోలు అమ్మకాల ద్వారా మంచి లాభాలను గడిస్తారు. గత పెట్టుబడుల నుంచి కూడా లాభపడతారు. ఉద్యోగులు నూతన బాధ్యతలను చేపడతారు. ఉద్యోగంలో హోదా పెరుగుతుంది. అవివాహితులకు వివాహం నిశ్చయమవుతుంది. జీవిత భాగస్వామితో దూర ప్రయాణాలు చేస్తారు. సామాజిక సేవా కార్యక్రమాలలో పాల్గొనడం వలన సమాజంలో గౌరవం పెరుగుతుంది. ఆరోగ్యం సహకరిస్తుంది. శివారాధన శ్రేయస్కరం.
మిథునం (Gemini) : కర్కాటకరాశి వారికి ఈ వారం సామాన్యంగా ఉంటుంది. ఈ రాశి వారు ఈ వారం ప్రారంభంలో తీవ్రమైన కుటుంబ సమస్యలను ఎదుర్కొంటారు. స్థిరాస్తులకు సంబంధించిన వివాదాలు సమస్యలకు ప్రధాన కారణం. కీలకమైన వ్యవహారంలో నిర్ణయాలు తీసుకునే శక్తి లోపిస్తుంది. ముఖ్యమైన పనులు వాయిదా వేస్తే మంచిది. వృత్తి వ్యాపారాలలో కూడా ఆశించిన ఫలితాలు ఉండకపోవచ్చు. ఉద్యోగంలో శ్రమ పెరుగుతుంది. నిరుద్యోగులు మంచి ఉద్యోగం మరికొంత కాలం వేచి చూడాలి. ఉద్యోగస్తులకు శ్రమకు తగిన ఫలితాలు ఉండవచ్చు. సహోద్యోగుల సహకారంతో గతంలో పెండింగ్లో ఉన్న పనులు కూడా పూర్తి చేస్తారు. కుటుంబ సభ్యుల ఆరోగ్యం ఆందోళన కలిగించవచ్చు. ఆదాయాన్ని మించిన ఖర్చులు ఉంటాయి. డబ్బు మంచినీళ్లలా ఖర్చవుతుంది. ఆరోగ్యంపై శ్రద్ధ వహించాలి. నవగ్రహ శ్లోకాలు పఠిస్తే ప్రతికూలతలు తొలగిపోతాయి.
కర్కాటకం (Cancer) : కర్కాటకరాశి వారికి ఈ వారం సామాన్యంగా ఉంటుంది. ఈ రాశి వారు ఈ వారం ప్రారంభంలో తీవ్రమైన కుటుంబ సమస్యలను ఎదుర్కొంటారు. స్థిరాస్తులకు సంబంధించిన వివాదాలు సమస్యలకు ప్రధాన కారణం. కీలకమైన వ్యవహారంలో నిర్ణయాలు తీసుకునే శక్తి లోపిస్తుంది. ముఖ్యమైన పనులు వాయిదా వేస్తే మంచిది. వృత్తి వ్యాపారాలలో కూడా ఆశించిన ఫలితాలు ఉండకపోవచ్చు. ఉద్యోగంలో శ్రమ పెరుగుతుంది. నిరుద్యోగులు మంచి ఉద్యోగం మరికొంత కాలం వేచి చూడాలి. ఉద్యోగస్తులకు శ్రమకు తగిన ఫలితాలు ఉండవచ్చు. సహోద్యోగుల సహకారంతో గతంలో పెండింగ్లో ఉన్న పనులు కూడా పూర్తి చేస్తారు. కుటుంబ సభ్యుల ఆరోగ్యం ఆందోళన కలిగించవచ్చు. ఆదాయాన్ని మించిన ఖర్చులు ఉంటాయి. డబ్బు మంచినీళ్లలా ఖర్చవుతుంది. ఆరోగ్యంపై శ్రద్ధ వహించాలి. నవగ్రహ శ్లోకాలు పఠిస్తే ప్రతికూలతలు తొలగిపోతాయి.
సింహం (Leo) : సింహ రాశి వారికి ఈ వారం చాలా అనుకూలంగా ఉంటుంది. ఒక ప్రతిష్టాత్మక ప్రాజెక్ట్‌లో చేరాలని చాలా కాలంగా ఎదురుచూస్తున్న వారి కోరిక ఈ వారం నెరవేరుతుంది. ఉద్యోగులకు చాలా కాలంగా పెండింగ్లో ఉన్న పనులు పూర్తి కావడం వల్ల ఉపశమనం లభిస్తుంది. పని ప్రదేశంలో మీ శ్రమకు గుర్తింపు లభిస్తుంది. మీ పై అధికారులు మీకు ముఖ్యమైన బాధ్యతను అప్పగించవచ్చు. జీవిత భాగస్వామితో విహారయాత్రలకు వెళతారు. ఆర్థిక పరిస్థితిలో మెరుగుదల ఉంటుంది. గృహంలో అదనపు సౌకర్యాలు ఏర్పాటు చేసుకుంటారు. ఆదాయ వనరులు విస్తరిస్తాయి. నూతన వాహనం కొనుగోలు చేస్తారు. కుటుంబంతో తీర్థయాత్రలకు వెళ్తారు. శ్రీలక్ష్మి గణపతి ఆలయ సందర్శన శుభప్రదం.
కన్య (Virgo) : కన్యారాశి వారికి ఈ వారం అనుకూలంగా ఉంటుంది. వృత్తి వ్యాపార ఉద్యోగాలలో ఊహించని మార్పులు జరుగుతాయి. ఉద్యోగులు ఎంతోకాలంగా ఎదురుచూస్తున్న పదోన్నతులు అందుకుంటారు. కీలక బాధ్యతలు స్వీకరిస్తారు. మీరు కోరుకున్న చోటికి బదిలీ కావడం వల్ల మీ దీర్ఘకాల లక్ష్యం నెరవేరుతుంది. అదనపు ఆదాయ వనరులు సమకూరుతాయి. సంపద వృద్ధి చెందుతుంది. విదేశాలలో ఉద్యోగం చేయాలనుకునేవారు కల నెరవేరుతుంది. జీవిత భాగస్వామి సహకారంతో కుటుంబ సమస్యలను పరిష్కరిస్తారు. స్వల్ప అనారోగ్య సమస్యలుంటాయి. ఆరోగ్యం పట్ల శ్రద్ధ వహించండి. పోటీపరీక్షలకు సిద్ధమవుతున్న విద్యార్థులు తమ లక్ష్యాలను చేరుకోవడానికి మరింత కష్టపడాల్సి ఉంటుంది. శ్రీ సుబ్రహ్మణ్య స్వామి భుజంగ స్తోత్ర పారాయణ మేలు చేస్తుంది.
తుల (Libra) : తులారాశి వారికి ఈ వారం సామాన్యంగా ఉంటుంది. వారం ప్రారంభంలో తీవ్రమైన అనారోగ్య సమస్యల కారణంగా ఉద్యోగానికి అంతరాయం కలగవచ్చు. వైద్య ఖర్చుల నిమిత్తం అధిక ధనవ్యయం ఉంటుంది. విద్యార్థులకు చదువుపై ఏకాగ్రత లోపిస్తుంది. ఆశించిన ఫలితాలను సాధించడానికి పట్టుదలతో ప్రయత్నించాలి. వ్యాపారంలో పోటీదారుల నుంచి తీవ్రమైన సవాళ్లు ఎదుర్కొంటారు. మార్కెట్ తిరోగమనం ఫలితంగా తీవ్ర నష్టాలు చవిచూస్తారు. ఉద్యోగస్తులకు పనిలో శ్రమ పెరుగుతుంది. సహోద్యోగుల సహకారం లోపిస్తుంది. అందరితో సత్సంబంధాలు కలిగి ఉండడం అవసరం. తొందరపాటు నిర్ణయాలు చేటు చేస్తాయి. జీవిత భాగస్వామి మద్దతుతో కుటుంబ సమస్యలు ఓ కొలిక్కి వస్తాయి. ఆదిత్య హృదయం పారాయణ శక్తినిస్తుంది.
వృశ్చికం (Scorpio) : వృశ్చికరాశి వారికి ఈ వారం మిశ్రమ ఫలితాలు ఉంటాయి. అన్ని రంగాల వారు ముఖ్యమైన వ్యవహారాల్లో ఆచి తూచి నడుచుకుంటే మేలు. గిట్టని వారు వృత్తి వ్యాపారాలలో అవాంతరాలు సృష్టించే ప్రమాదముంది. అందుకే జాగ్రత్తగా ఉండండి. ఉద్యోగులకు శ్రమకు తగిన ఫలితాలు లేక నిరాశతో ఉంటారు. సమయానుకూలంగా నడుచుకుంటే మంచిది. దైవ బలంతో శత్రువులపై విజయం సాధిస్తారు. కోర్టు సంబంధిత సమస్యలను చర్చల ద్వారా పరిష్కరించుకుంటే మేలు. ప్రయాణాలు అనుకూలించవు. ఆర్థిక ఇబ్బందులు ఉండవచ్చు. ఖర్చులు అదుపులో ఉంచుకోండి. కొన్ని అనారోగ్య సమస్యల కారణంగా చికాకుతో ఉంటారు. సూర్య ఆరాధన శ్రేయస్కరం.
ధనుస్సు (Sagittarius) : ధనుస్సురాశి వారికి ఈ వారం అనుకూలంగా ఉంటుంది. గత కొన్ని రోజులుగా వేధిస్తున్న సమస్యలు తొలగిపోతాయి. వృత్తి వ్యాపార రంగాల వారు నూతన అవకాశాలను అందుకుంటారు. వ్యాపారులకు పెట్టుబడులు, లాభాల రూపంలో ధనప్రవాహం ఉంటుంది. ఉద్యోగస్తులకు సహోద్యోగుల సహకారం ఉంటుంది. జీతం పెరుగుదల, ప్రమోషన్ ఛాన్స్ ఉంటుంది. వ్యక్తిగత జీవితాన్ని, వృత్తి జీవితాన్ని సమన్వయము చేసుకుంటూ ముందుకెళ్ళండి. ఆదాయం పెరుగుతుంది. కుటుంబ సభ్యులతో మాట్లాడేటప్పుడు జాగ్రత్తగా ఉండండి. లేకపోతే అపార్ధాలు ఏర్పడవచ్చు. ముఖ్యమైన నిర్ణయాలు తీసుకునే ముందు అందరి సలహా తీసుకోండి. పోటీ పరీక్షలకు హాజరయ్యే వారికి శుభసమయం. విజయం ఖచ్చితంగా లభిస్తుంది. ఇష్ట దేవతారాధన మేలు చేస్తుంది.
మకరం (Capricorn) : మకరరాశి వారికి ఈ వారం అనుకూలంగా ఉంటుంది. ఎంతోకాలంగా ఉద్యోగం కోసం ఎదురుచూస్తున్న నిరుద్యోగుల కల ఫలిస్తుంది. మంచి జీతంతో ఉద్యోగం లభిస్తుంది. వృత్తి, వ్యాపారపరమైన సమస్యలను స్నేహితుల సహకారంతో అధిగమిస్తారు. ఆర్థిక పరిస్థితి మునుపటి కంటే మెరుగ్గా ఉంటుంది. ఉద్యోగస్థులకు సహోద్యోగుల సహకారం లభిస్తుంది. షేర్ మార్కెట్లో పెట్టుబడుల ద్వారా ప్రయోజనం పొందవచ్చు. ఆస్తి వివాదంలో తీర్పు మీకు అనుకూలంగా ఉండవచ్చు. జీవిత భాగస్వామితో అనుబంధం దృఢ పడుతుంది. వారం చివరలో శుభ కార్యక్రమాలలో పాల్గొంటారు. కుటుంబంతో తీర్థయాత్రలకు వెళతారు. ఇష్ట దేవతారాధన శుభప్రదం.
కుంభం (Aquarius) : కుంభరాశి వారికి ఈ వారం సామాన్యంగా ఉంటుంది. సోమరితనం, బద్ధకం విడిచి పెట్టి కష్టించి పనిచేస్తే అమోఘమైన విజయం సొంతమవుతుంది. ముఖ్యమైన పనులను రేపటికి వాయిదా వేయడం వలన గణనీయమైన ఆర్థిక నష్టం జరుగుతుంది కాబట్టి ఎప్పటి పనులు అప్పుడే పూర్తి చేసుకోవడం ఉత్తమం. ఉద్యోగులు ప్రణాళికాబద్ధంగా పనిచేస్తే ఫలితం ఉంటుంది. వ్యాపారులకు భాగస్వామ్య వ్యాపారాలు కలిసి వస్తాయి. కుటుంబంలో ఏర్పడే అపార్ధాలను తొలగించడానికి మీరు చేసే ప్రయత్నాలు సత్ఫలితాన్ని ఇస్తాయి. ఆరోగ్యం పట్ల శ్రద్ధ అవసరం. నిరుద్యోగులకు, విద్యార్థులకు శుభసమయం నడుస్తోంది. శ్రమకు తగిన ఫలితాలను అందుకుంటారు. నవగ్రహ శ్లోకాలు పఠిస్తే మేలు జరుగుతుంది.
మీనం (Pisces) : మీనరాశి వారికి ఈ వారం అనుకూలంగా ఉంటుంది. ఉద్యోగులు తీవ్రమైన కృషితో అంచలంచెలుగా ఎదిగి ఉన్నత శిఖరాలను అధిరోహిస్తారు. పై అధికారుల నుంచి సంపూర్ణ మద్దతుని పొందుతారు. ఉద్యోగంలో కోరుకున్న చోటికి బదిలీ, పదోన్నతి ఉంటాయి. ఆర్థిక ప్రయోజనాలు కూడా ఉంటాయి. కొత్తగా చేపట్టే ప్రాజెక్టులు మీ స్థాయిని పెంచుతాయి. ఆరోగ్యం సహకరిస్తుంది. విద్యార్థులు తిరుగులేని విజయాలను సాధిస్తారు. వ్యాపారులకు అదృష్టం వరిస్తుంది. వ్యాపార విస్తరణకు అవసరమైన ధనం సమకూరుతుంది. ఇంట్లో శుభకార్యక్రమాలు నిర్వహిస్తారు. పిల్లలకు సంబంధించిన శుభవార్తలు వింటారు. జీవిత భాగస్వామితో తీర్ధ యాత్రలకు వెళ్తారు. శ్రీ విష్ణు సహస్రనామ పారాయణ శుభప్రదం.
