Instant Ponganalu Recipe : కొన్నిసార్లు బ్రేక్ఫాస్ట్ ప్రిపేర్ చేసుకోవడానికి కావాల్సిన సమయం ఉండదు. దోస, ఇడ్లీ వంటివి చేసుకుందామంటే ఆ టైమ్కి పిండి ఉండకపోవచ్చు. అలాంటి టైమ్లో 10 నుంచి 15 నిమిషాల్లో సింపుల్గా చేసుకునే ఒక సూపర్ బ్రేక్ఫాస్ట్ రెసిపీని తీసుకొచ్చాం. అదే, "ఇన్స్టంట్ గుంత పొంగనాలు విత్ కొబ్బరి చట్నీ". ఈ కాంబినేషన్ బ్రేక్ఫాస్ట్లోకే కాదు ఈవెనింగ్ స్నాక్గానూ అద్దిరిపోతుంది. ఈ సూపర్ కాంబినేషన్ రెసిపీని ఎలా ప్రిపేర్ చేసుకోవాలో ఇప్పుడు చూద్దాం.
కావాల్సిన పదార్థాలు :
- బొంబాయి రవ్వ - 1 కప్పు
- సన్నని ఉల్లిపాయ తరుగు - అర కప్పు
- పచ్చిమిర్చి తరుగు - 1 టేబుల్స్పూన్
- టమాటా - 1 (మీడియం సైజ్ది)
- సన్నని క్యారెట్ తురుము - పావు కప్పు
- ఉప్పు - రుచికి సరిపడా
- సన్నని క్యాప్సికం ముక్కలు - 2 టేబుల్స్పూన్లు
- వంటసోడా - పావుటీస్పూన్
- కొత్తిమీర తరుగు - 2 టేబుల్స్పూన్లు
- పెరుగు - అర కప్పు
- ఆయిల్ - తగినంత
- పోపు దినుసులు - 1 టేబుల్స్పూన్
- ఇంగువ - చిటికెడు
- పసుపు - పావుటీస్పూన్
- సన్నని కరివేపాకు తరుగు - కొద్దిగా
చట్నీ కోసం :
- పచ్చికొబ్బరి ముక్కలు - అర కప్పు
- అల్లం - అర అంగుళం ముక్క
- పచ్చిమిర్చి - 2
- ఉల్లిపాయ - అర ముక్క
- పుట్నాల పప్పు - 2 టేబుల్స్పూన్లు
- కొత్తిమీర తరుగు - 1 టేబుల్స్పూన్
- పుదీనా - కొద్దిగా
- నిమ్మకాయ - అర చెక్క
- తాలింపుకి సరిపడా పదార్థాలు
పిండి రుబ్బకుండానే - నిమిషాల్లో అద్దిరిపోయే "రవ్వ వడలు"! - టేస్ట్ అదుర్స్!
తయారీ విధానం :
- ఇందుకోసం ముందుగా ఒక మిక్సింగ్ బౌల్లో సన్నని బొంబాయి రవ్వ తీసుకోవాలి.
- ఆపై అందులో సన్నని ఉల్లిపాయ, పచ్చిమిర్చి తరుగు, టమాటా ముక్కలు, సన్నని క్యారెట్ తురుము, క్యాప్సికం ముక్కలు, కొత్తిమీర తరుగు, ఉప్పు, వంటసోడా ఇలా ఒక్కొక్కటిగా వేసుకొని ఇంగ్రీడియంట్స్ అన్నీ కలిసేలా బాగా మిక్స్ చేసుకోవాలి.
- అనంతరం ఆ మిశ్రమంలో పెరుగు వేసి మరోసారి చక్కగా కలుపుకోవాలి. ఆ తర్వాత తగినన్ని వాటర్ యాడ్ చేసుకుంటూ పొంగనాలకు కావాల్సిన కన్సిస్టెన్సీ వచ్చేంత వరకు కలుపుకొని, మూతపెట్టి 5 నిమిషాల పాటు పక్కనుంచాలి.
- పిండి నానేలోపు చట్నీ ప్రిపేర్ చేసుకోవాలి. ఇందుకోసం మిక్సీ జార్ తీసుకొని అందులో చిన్నగా కట్ చేసుకున్న పచ్చికొబ్బరి ముక్కలు, అల్లం తరుగు, పచ్చిమిర్చి, ఉల్లిపాయ తరుగు, పుట్నాల పప్పు, పుదీనా, కొత్తిమీర తరుగు, ఉప్పు వేసుకోవాలి.
- ఆ తర్వాత నిమ్మరసం పిండి, తగినన్ని వాటర్ వేసుకొని మెత్తగా గ్రైండ్ చేసుకోవాలి. ఆపై ఈ పచ్చడికి తాలింపు పెట్టుకుంటే చాలు. ఇన్స్టంట్ కొబ్బరి చట్నీ రెడీ!
పచ్చి బఠాణీలతో "ఇడ్లీలు, గుంట పొంగనాలు" - రుచికి రుచి, ఆరోగ్యానికి ఆరోగ్యం!
- ఇప్పుడు నానబెట్టుకున్న రవ్వ మిశ్రమాన్ని తీసుకొని కాస్త వాటర్ వేసుకొని కన్సిస్టెన్సీకి తగినట్లుగా కలుపుకోవాలి. అయితే, ఇక్కడ పొంగనాల రుచి పెరగడానికి కొద్దిగా తాలింపుని పిండిలో యాడ్ చేసుకోండి.
- అందుకోసం స్టౌపై చిన్న కడాయి పెట్టి అరటేబుల్స్పూన్ ఆయిల్ వేసుకోవాలి. నూనె కాస్త వేడయ్యాక పోపు దినుసులు, ఇంగువ, పసుపు, సన్నని కరివేపాకు తరుగు వేసుకొని వేయించుకోవాలి.
- తాలింపు దోరగా వేగాక దాన్ని ముందుగా కలిపి పెట్టుకున్న పొంగనాల పిండిలో వేసుకొని మొత్తం కలిసేలా బాగా కలపాలి.
- ఇప్పుడు స్టౌపై పొంగనాల పెనం పెట్టుకొని హీట్ చేసుకోవాలి. పాన్ కాస్త వేడయ్యాక అన్నీ గుంటలలో అర చెంచా చొప్పున ఆయిల్ వేసి కాస్త వేడి చేసుకోవాలి.
- ఆ తర్వాత కలిపి పెట్టుకున్న పిండిని కొద్దికొద్దిగా తీసుకుంటూ ఒక్కో గుంటలో నింపుకోవాలి.
- ఆపై మూతపెట్టి స్టౌను మీడియం ఫ్లేమ్లో ఉంచి ఒక వైపు బాగా కాలాక మరోవైపునకు తిప్పుకొని కాల్చుకోవాలి. ఇలా రెండు వైపులా క్రిస్పీగా, గోల్డెన్ కలర్ వచ్చేంత వరకు కాల్చుకోవాలి.
- ఆ తర్వాత ఈ పొంగనాలను వేడివేడిగా ఒక ప్లేట్లోకి తీసుకొని ముందుగా ప్రిపేర్ చేసుకున్న కొబ్బరి చట్నీతో సర్వ్ చేసుకుంటే చాలు. అంతే, సూపర్ టేస్టీ "ఇన్స్టంట్ గుంత పొంగనాలు విత్ కొబ్బరి చట్నీ" రెడీ!
- మరి, ఇంకెందుకు ఆలస్యం మీరూ ఓసారి ఇంట్లో ఈ డెడ్లీ కాంబినేషన్ను ట్రై చేయండి. ఇంటిల్లిపాదీ ఎంతో ఆస్వాదిస్తారు!
ఇంటిల్లిపాదికీ నచ్చే "సేమియా దోశ" - చిటికెలో ప్రిపేర్ చేసుకోండిలా! - టేస్ట్ సూపర్!
