பாரதிதாசன் பல்கலைக்கழக இணைவு பெற்ற திருச்சி, தஞ்சை, திருவாரூர், நாகை, பெரம்பலூர், அரியலூர், புதுவை, கரூர் ஆகிய எட்டு மாவட்டங்களில் உள்ள கல்லூரிகளுக்கு இடையிலான பேட்மிண்டன் போட்டி நாக்-அவுட் முறையில் திருச்சி பிஷப் ஹீபர் கல்லூரியில் நடைபெற்றது. 21 அணிகள் பங்கு பெற்ற பேட்மிண்டன் போட்டியின் இறுதி ஆட்டத்தில் திருச்சி ஜமால் முகமது கல்லூரியும் திருச்சி பிஷப் ஹீபர் கல்லூரியும் மோதின.
இதில் 2-0 என்ற செட் கணக்கில் வென்ற திருச்சி ஜமால் முகமது கல்லூரி அணி தொடர்ந்து 7ஆவது ஆண்டாக சாம்பியன் பட்டத்தை வென்றது. மூன்றாம் இடத்திற்கு நடைபெற்ற போட்டியில் புதுக்கோட்டை ஜெ.ஜெ கலை அறிவியல் கல்லூரி, நாகை இ.ஜி.எஸ் பிள்ளை கலை அறிவியல் கல்லூரியை 2-0 என்ற செட் கணக்கில் வென்றது.
வெற்றி பெற்ற ஜமால் முகமது கல்லூரியின் மாணவர்களுக்கு, அக்கல்லூரியின் செயலாளர் மற்றும் தாளாளர் காஜா நஜிமுதீன், பொருளாளர் ஜமால் முகமது, இணைச்செயலாளர் அப்துஸ் சமது, முதல்வர் இஸ்மாயில் முகைதீன், உடற்கல்வி இயக்குனர் ஆகியோர் பாராட்டு தெரிவித்தார்.
